Paśla ŭviadzieńnia Złučanymi Štatami Amieryki ekanamičnych sankcyj u dačynieńni da kancerna «Biełnaftachim» biełaruski ekspart u ZŠA źniziŭsia amal na miljard dołaraŭ.
Pra heta paviedamiŭ časovy pavierany ŭ spravach ZŠA ŭ Biełarusi Majkł Skenłan.
«Pavodle źviestak amierykanskaha ŭrada, paśla ŭviadzieńnia sankcyj u 2007 hodzie biełaruski ekspart na amierykanski rynak źniziŭsia z amal 1 młrd. 100 młn. dołaraŭ da 175 młn. dołaraŭ u 2010 hodzie, — skazaŭ dypłamat.
«Vielmi važna źviartać uvahu nie na toje, što budziem rabić my, a na toje, što adbyvajecca tut, u Biełarusi», — padkreśliŭ jon, havoračy ab sankcyjach. «Našy dziejańni buduć reakcyjaj na padziei tut, — zajaviŭ Skenłan. — ZŠA praciahvajuć zaklikać da nieadkładnaha vyzvaleńnia ŭsich zatrymanych i źniaćcia ŭsich abvinavačańniaŭ suprać ich. My taksama zaklikajem spynić aburalny pieraśled pradstaŭnikoŭ hramadzianskaj supolnaści, niezaležnych ŚMI, jurystaŭ, palityčnaj apazicyi i členaŭ siemjaŭ zatrymanych».
Akramia taho, ZŠA zaklikajuć stvaryć mahčymaści dla svabodnaha vykazvańnia palityčnych pohladaŭ, raźvićcia hramadzianskaj supolnaści, svabody ŚMI — usiaho taho, što źjaŭlajecca abaviazacielstvami, uziatymi na siabie Biełaruśsiu ŭ miežach ABSIE, skazaŭ časovy pavierany. «I hetyja standarty pavinny vykonvacca, kali Biełaruś choča być bližej da Jeŭropy», — padkreśliŭ jon.
Pavodle słoŭ Skenłana, amierykanskaja «palityka sankcyj ujaŭlaje saboj prostaje matematyčnaje ŭraŭnieńnie»: «Kali ŭ Biełarusi budzie palapšeńnie situacyi z pravami čałavieka, na što my spadziajemsia, adbudziecca asłableńnie sankcyj. Kali budzie paharšeńnie — sankcyi ŭzmocniacca, jak my ŭžo prademanstravali. Heta nie pavinna być navinoj dla biełaruskaha ŭrada, bo my zaŭsiody paśladoŭna prytrymlivalisia takoj palityki».
Havoračy ab vizavych sankcyjach, dypłamat adznačyŭ, što, zhodna z amierykanskim zakanadaŭstvam, śpis nieŭjaznych — zakryty dakumient i nie moža być abnarodavany. «Ale paśla 19 śniežnia hety śpis papaŭniaŭsia imionami ludziej, jakija majuć dačynieńnie da represij, i jon praciahnie papaŭniacca imionami tych, chto maje dačynieńnie da tak zvanych pracesualnych dziejańniaŭ, što zaraz ažyćciaŭlajucca», — skazaŭ dypłamat.
«Pryčyna,
