Paviedamleńnie pra toje, što ŭ Kot-dJIvuary pryziamliŭsia biełaruski samalot ź viertalotami, jakoje źjaviłasia raniej, było pamyłkovym, zajaviŭ 2 sakavika na bryfinhu ŭ štab-kvatery AAN u Ńju-Jorku namieśnik hienieralnaha sakratara pa apieracyjach pa padtrymańni miru Alen Lerua.

Pavodle źviestak Centra navinaŭ AAN, Lerua prynios prabačeńni pavieranamu ŭ spravach Biełarusi pry AAN Zoi Kałantaj za naniesieny ŭron imidžu Biełarusi. Jon zajaviŭ, što dakład ź Misii AAN u Kot-dJIvuary byŭ pamyłkovym.

Kałantaj sa svajho boku zajaviła, što ŭ Biełarusi stvorana efiektyŭnaja sistema ekspartnaha kantrolu nad uzbrajeńniami. Jana pacvierdziła prychilnaść krainy da vykanańnia režymu sankcyj AAN, zaznačajecca ŭ paviedamleńni.

27 lutaha ofis hienieralnaha sakratara AAN Pan Hi Muna ad jaho imia vystupiŭ z abvinavačańniem Biełarusi ŭ parušeńni mižnarodnaha embarha. U adpaviednaści z hetaj zajavaj Biełaruś pastaviła try bajavyja viertaloty ŭzbrojenym siłam, jakija padtrymlivajuć nie pryznanaha suśvietnaj supolnaściu kiraŭnika Kot-dJIvuara Łarana Hbahbo.

Kiraŭnik AAN «ź vialikaj tryvohaj daviedaŭsia, što, zhodna z paviedamleńniami, try bajavyja viertaloty i adpaviednaje materyjalna-techničnaje zabieśpiačeńnie ź Biełarusi dastaŭlajucca ŭ Jamusukro dla vojskaŭ spadara Hbahbo», cytuje zajavu hiensakratara sajt AAN.

«Zhodna z paviedamleńniami, pieršaja partyja była dastaŭlena rejsam, jaki pryziamliŭsia hetym viečaram, i na zaŭtra zapłanavany dadatkovyja rejsy, — havaryłasia ŭ zajavie. — Heta surjoznaje parušeńnie embarha ŭ dačynieńni da Kot-dJIvuara, jakoje dziejničaje z 2004 hoda».

Ab parušeńni ŭmovy embarha Biełaruśsiu byŭ prainfarmavany kamitet Savieta biaśpieki AAN, adkazny za sankcyi ŭ dačynieńni da Kot-dJIvuara. Hiensiek AAN spadziajecca, što hetaje pytańnie budzie abmierkavana na ekstranym pasiadžeńni Savieta biaśpieki.

Pres-sakratar biełaruskaha MZS Andrej Savinych zajaviŭ BiełaPAN, što «Biełaruś zaŭsiody vielmi adkazna staviłasia da vykanańnia ŭsich patrabavańniaŭ i rašeńniaŭ Savieta biaśpieki AAN», u krainie «stvorana efiektyŭnaja sistema ekspartnaha kantrolu nad uzbrajeńniem».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?