Bolšaść budynkaŭ vystajała. Kraina zachavała dostup da internetu. Udar stychii mieŭ hihanckuju siłu: 8,9 bała. Asnoŭny ŭdar pryjšoŭsia pa Sendai —horadzie-pabracimie Minska.
U Japonii adbyŭsia žudasny ziemlatrus. Mahutnyja šturški skałychnuli paŭnočny ŭschod krainy.
Hieałahičnaja słužba ZŠA paviedamlaje pra ziemlatrus siłaj 8,9 bała. Heta najbolšy ziemlatrus u historyi krainy. Jašče adzin ziemlatrus mahnitudaj 7,4 bała paźniej adbyŭsia na terytoryi prefiektury Mijahi.
Pačynajuć nadychodzić źviestki pra achviaraŭ i razbureńni. Choć epicentr ziemlatrusu znachodziŭsia za 370 km ad stalicy Tokia, jana taksama paciarpieła. Nad Tokia i vialikim partovym horadam Jokahama stajać čornyja słupy dymu ad pažaraŭ.
Haryć staleliciejny kambinat. Uzarvaŭsia adzin z tankaŭ naftapierapracoŭčaha zavoda. U vyniku ziemlatrusaŭ tam byli razburanyja niekatoryja piečy i ŭstanoŭki.
Pavodle papiarednich acenak, paškodžanyja kala čatyroch miljonaŭ budynkaŭ. Da honaru japoncaŭ, bolšaść žyłych pabudovaŭ vystajała, niahledziačy na apakaliptyčnuju siłu stychii.
Japonski ŭrad utvaryŭ nadzvyčajny štab pa likvidacyi nastupstvaŭ katastrofy. Jaho ŭznačaliŭ asabista premjer krainy Naota Kan.
Najpieršaj zadačaj stała apaviaščeńnie prybiarežnych rehijonaŭ pra cunami. Jano ŭdaryła z pradkazalnaj siłaj.
Vyšynia chvali miescami dasiahnuła 10 mietraŭ. Pad vadoj akazałasia vialikaja častka horada Sendaj — darečy, pabracima Minska. Tam majucca šmatlikija paciarpiełyja i razbureńni. U tym liku vada całkam zaliła vialiki aeraport horada.
Japonskaje TV viadzie žyvuju tranślacyju ź miesca zdareńniaŭ. U krainie dziejničaje internet.
U horadzie Kamaisi prefiektury Ivate na vostravie Chansiu
Cunami taksama dajšło da Kurylskich vyspaŭ i Tajvania.
Zdymki ź viertalota z Sendaja šakujuć: cunami znosić damy, vałače mašyny i karabli, raźbivaje ich u bietonny most, i žaleznyja mačty vyłomvajucca, jak zapałki. Damy harać na płyvu. Aŭtamabilisty adčajna sprabujuć uciačy ad hihanckaj chvali pa šašy...
U centry japonskaj stalicy abrynuŭsia viadomy ŭ krainie dom pryjomaŭ «Kudy kajkan» — miesca praviadzieńnia mnohich aficyjnych mierapryjemstvaŭ.
U Tokija abrynuŭsia špil televiežy.
Spynili pracu mietro i čyhunki, kab paźbiehnuć mahčymych incydentaŭ u vyniku abryvu pravadoŭ.
U zonie biedstva źnikła sotavaja suviaź.
TV u žyvym efiry na ŭsich telekanałach papiaredžvaje žycharoŭ cichaakijanskaha ŭźbiarežža ad paŭnočnaha Chakajda da paŭdniovaj Akinavy terminova pakinuć svaje damy i padymacca ŭ vysokija budynki vyšej za
U vyniku stychii aŭtamatyčna spynili pracu piać japonskich AES. Na adnoj ź ich pačaŭsia pažar u turbinnaj zale, jaki pahasili pažarniki. Vykidaŭ radyjacyi nie adbyłosia.
Biełaruś — spakojnaja ŭ siejśmičnym sensie terytoryja. Adnak nievialikija ziemlatrusy mahčymyja i ŭ nas. U pryvatnaści,
adna z patencyjnych zonaŭ siejśmičnaj aktyŭnaści prachodzić u rajonie budučaj Astravieckaj AES.
Mienavita na Astravieččynie zafiksavany precedent samaha mocnaha biełaruskaha ziemlatrusu.
U 1909 h. vodhałas italjanskaha ziemlatrusu vyklikaŭ na Astravieččynie, kali vioski Siaržanty, źjaŭleńnie hłybokaha rovu «ź viarstu z poŭnačy na paŭdniovy ŭschod».
Biełaruskija navukoŭcy acanili toj ziemlatrus 1909 hodu ŭ 7 bałaŭ pavodle škały Rychtara.
