14 sakavika ŭ Minsku projdzie pasiadžeńnie Kamisii Mytnaha sajuza. Biełaruskuju delehacyju ŭznačalić namieśnik prem'jer-ministra Siarhiej Rumas, paviedamlaje pres-słužba Ministerstva zamiežnych spraŭ.

Płanujecca razhledzieć pytańni, uklučanyja ŭ paradak dnia niečarhovaha pasiadžeńnia Miždziaržaŭnaha sajuza JeŭrAzES (vyšejšaha orhana Mytnaha sajuza) na ŭzroŭni kiraŭnikoŭ uradaŭ, jakoje projdzie ŭ Minsku 15 sakavika.

Buduć taksama abmierkavany pytańni, što tyčacca prajekta pahadnieńnia ab supracoŭnictvie i ŭzajemadapamozie ŭ mytnych spravach pa pytańniach dziejnaści pradstaŭnictvaŭ mytnych słužbaŭ dziaržaŭ — členaŭ MS, infarmacyjnaha zabieśpiačeńnia kantrolu mytnaha tranzitu na terytoryi krain MS.

Aprača taho, baki razhledziać pytańni «ab udaskanalvańni arhanizacyi Kamisii Mytnaha sajuza, ab likvidacyi patrabavańniaŭ da biełaruskich pieravozčykaŭ ab najaŭnaści dazvołaŭ pa pieravozcy hruzaŭ u/z trecich krain u miežach mytnaj terytoryi Mytnaha sajuza, a taksama ab infarmacyjnym uzajemadziejańni pamiž transpartnymi słužbami Biełarusi i Rasii», paviedamlaje pres-słužba.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?