Zaŭtra ŭstupajuć u zakonnuju siłu prysudy asudžanym udzielnikam akcyi pratestu na płoščy Niezaležnaści ŭ Miensku 19 śniežnia Źmicieru Noviku i Alaksandru Małčanavu.
Ich abvinavacili ŭ masavych biesparadkach pa č.2 art. 293 Kryminalnaha kodeksu i pakarali pazbaŭleńniem voli na try z pałovaj i try hady adpaviedna.

Pakolki jany pryniali rašeńnie nie padavać kasacyjnyja skarhi, 12 sakavika zaviaršajecca 10-dzionny termin dla abskardžvańnia prysudaŭ. Papiarednie viadoma, što Źmiciera Novika nakirujuć dla adbyvańnia pakarańnia ŭ papraŭčuju kałoniju «Vićba-3», a Małčanava — u Babrujskuju kałoniju.

Alaksandr Atroščankaŭ, jakoha 2 sakavika asudili na čatyry hady pazbaŭleńnia voli ŭ kałonii ŭzmocnienaha režymu, padaŭ kasacyjnuju skarhu i čakaje daty jaje razhladu ŭ sudzie.

Raniej abskardziŭ rašeńnie sudu jašče adzin asudžany za ŭdzieł u masavych biesparadkach Vasil Parfiankoŭ. Sudom Frunzienskaha rajona Miensku jon byŭ asudžany da čatyroch hadoŭ pazbaŭleńnia voli ŭ kałonii strohaha režymu. Zaraz Parfiankoŭ taksama čakaje sudovaha rašeńnia. Pa źviestkach pravaabaroncaŭ, jaho musiać nakiravać ŭ kałoniju ŭ Oršy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?