«Kali budzie prapanavana cana, ad jakoj budzie niemahčyma admovicca, to dziaržava prymie stanoŭčaje rašeńnie pa hetym pytańni», — paviedamiŭ 11 sakavika na pres-kanfierencyi ŭ Minsku ministr suviazi i infarmatyzacyi Mikałaj Pancialej.

Pavodle jaho słoŭ, nabyćciom doli dziaržavy ŭ hetaj kampanii zacikaviłasia rasijskaje AAT «MTS». Adnak cikavaść heta «nie padmacavana žadańniem płacić za dolu dziaržavy ŭ biełaruskim apieratary suviazi hrašovyja srodki ŭ toj sumie, u jakuju aceńvaje jaje ŭrad Biełarusi».

Pancialej taksama zajaviŭ, što zaraz urad zajmajecca vyrašeńniem prablemy vysokich cen na roŭminh. Pry hetym jon zaŭvažyŭ, što stacyjanarnaja i biespravadnaja mižnarodnaja suviaź była darahoj zaŭsiody.

Ceny na roŭminh zaležać ad koštu pasłuh zamiežnaha apieratara, a taksama rascenak nacyjanalnaha apieratara suviazi «Biełtelekam» i taryfaŭ biełaruskich mabilnych apierataraŭ, skazaŭ Pancialej. «Paŭpłyvać na taryfy „Biełtelekama“ my možam biez jakich-niebudź ciažkaściaŭ. Najbolš składana paŭpłyvać na rascenki zamiežnych apierataraŭ», — skazaŭ jon.

Pavodle słoŭ ministra, urad nie maje mahčymaści rehulavać taryfnuju palityku mabilnych apierataraŭ. «Praŭda, nad hetaj temaj my siońnia pracujem z pradstaŭnikami apierataraŭ suviazi i płanujem vyrašyć prablemu «, — dadaŭ jon.

Pancialej paviedamiŭ, što konkurs na prava atrymańnia radyjočastot dla akazańnia pasłuh pa technałohii LTE — technałohii mabilnaj suviazi novaha pakaleńnia — budzie praviedzieny na zvyčajnych umovach.

«Heta i płata za vydzialeńnie radyjočastot, i terminy realizacyi prajektaŭ, i mahčymaści akazańnia novych pasłuh», — skazaŭ kiraŭnik Minsuviazi.

Cikavaść da mahčymaści atrymańnia radyjočastot dla akazańnia pasłuh pa technałohii LTE vykazvajuć try bujnyja mabilnyja apieratary Biełarusi, ale pakul tolki ZAT «BieST» pravodzić testavańnie LTE ŭ Biełarusi. Dla masavaha ŭkaranieńnia hetaj technałohii pakul niedastatkova nieabchodnaha terminalnaha abstalavańnia, adznačyŭ ministr.

U suviazi z hetym Pancialej sumniavajecca, što ŭ najbližejšyja hod-dva technałohija LTE budzie aktyŭna raźvivacca. Hety praces, pavodle jaho mierkavańnia, budzie šmat u čym zaležać ad koštu terminalnaha abstalavańnia, pryčym sami apieratary buduć adyhryvać tut nie apošniuju rolu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?