U kancy lutaha va Ukrainie źnik Dyrar Abu-Sisi, techničny dyrektar elektrastancyi Hazy,
paviedamlaje karespandent sa spasyłkaj na
internet-vydańnie NEWSru.co.il.
Abu-Sisi prybyŭ u krainu ŭ kancy studzienia 2011 hoda.
Pavodle infarmacyi ŚMI, jon raniej paviedamlaŭ, što ŭkrainskija ŭłady adabrali ŭ jaho pašpart, ale dakumient jamu viarnuli niezadoŭha da źniknieńnia. Dyrektar elektrastancyi źnik u noč na 19 lutaha ź ciahnika, jaki ruchaŭsia z Charkava ŭ Kijeŭ.
Hramadzianka Ukrainy Vieranika Abu-Sisi, žonka źnikłaha, abvinavaciła izrailskuju raźviedku MASAD u datyčnaści da vykradańnia muža. Jana kazała taksama, što jaje muž znachodzicca na dziaržaŭnaj słužbie i nijak nie źviazany z terarystyčnymi arhanizacyjami. Pa słovach žonki, jaje muž nie adnosicca da liku bahatych biznesoŭcaŭ i naŭrad ci moh pryciahnuć uvahu złačyncaŭ.
Pravadniki ciahnika spačatku paviedamili, što dva nieviadomych źviali Abu-Sisi, pakazaŭšy jamu dakumienty supracoŭnikaŭ śpiecsłužbaŭ. Adnak zatym pravadniki admovilisia davać pakazańni i zajavili, što ŭ ciahniku nie adbyłosia ničoha ekstraardynarnaha i nijakich vykradańniaŭ nie było.
Varta adznačyć, što viadomy błohier Ryčard Siłvierstajn pisaŭ u pačatku sakavika, što atrymaŭ ad izrailskaj krynicy paćvierdžańnie čutak ab datyčnaści śpiecsłužbaŭ Izraila da vykradańnia Abu-Sisi. Siłvierstajn śćviardžaŭ, što MASAD vykraŭ dyrektara elektrastancyi i pieravioz u Izrail, dzie ŭtrymlivaje jaho pad vartaj.
Izrailskaja hazieta «Jedziot Achronat» paviedamiła 6 sakavika ab hetym zdareńni. Vieranika Abu-Sisi raskazała haziecie, što jany z mužam i šaściu dziećmi źbiralisia pakinuć Hazu raz i nazaŭsiody, pierabraŭšysia va Ukrainu.
25 lutaha Ministerstva ŭnutranych spravaŭ Paleścinskaj aŭtanomii nakiravała aficyjny zvarot da kiraŭnika MUS Ukrainy z nahody źniknieńnia 42-hadovaha Dyrara Musy Abu-Sisi.
U hetym zvarocie adznačałasia, što Abu-Sisi naradziŭsia ŭ 1969-m u Ijardanii, źjaŭlajecca dypłamavanym elektratechnikam, akramia taho maje navukovuju stupień Kijeŭskaha dziaržaŭnaha ŭniviersiteta (abaraniŭ dysiertacyju ŭ 1999-m).
U aficyjnych paviedamleńniach nie zhadvajecca pra členstva Abu-Sisi ŭ Ruchu isłamskaha supracivu (CHAMAS) abo inšaj terarystyčnaj arhanizacyi. Adnak, jak praviła, paśla červienia 2007 na adkaznych pasadach u Hazie pracujuć prychilniki CHAMASa.
censor.net.ua
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
