Pad raźmiaščeńnie takoha abjekta ŭ rajonie Šabanoŭ zareziervavanaja placoŭka.
«Pakul kazać pra toje, kali źjavicca novy čyhunačny vakzał, rana. Heta tolki ideja, i dla jaje realizacyi ŭ prajekcie schiemy kompleksnaj terytaryjalnaj arhanizacyi Minskaha rajona zareziervavanaja terytoryja, kab, kali nadydzie čas realizacyi prajektu, nie sutyknucca ź vialikimi kapitalnymi ŭkładańniami, źviazanymi sa znosam abjektaŭ, ich pieradačaj», — skazaŭ namieśnik dyrektara «BiełNDIP horadabudaŭnictva» Dźmitryj Siemiankievič.
Taksama na schiemie prakładzienaja vysakachutkasnaja čyhunačnaja linija, jakaja źviaža Minsk i Maskvu — taki prajekt płanujuć realizavać čyhunki Biełarusi i Rasii. Trasa budzie pačynacca mienavita ź Minskaha rajona (u zonie Šabany). U budučyni da novaha vakzała budzie pradoŭžanaja linija mietro.
Akramia taho, miarkujecca budaŭnictva pieršaj haradskoj elektryčki (da Ždanovičaŭ), chutkasnaj tramvajnaj linii da Łahojska (jana projdzie praz Baraŭlany, Lasnoje, Astrašycki Haradok, azdaraŭlenčyja kompleksy «Siličy», «Łahojsk» i inšyja), abychodnaj čyhunačnaj linii dla propusku tavarnych sastavaŭ sa stvareńniem sartavalnaj stancyi.
