Na 27-m čempijanacie Jeŭropy pa mastackaj himnastycy, jaki projdzie na «Minsk-Arenie» 27–29 maja, biełaruskija spartsmienki buduć vystupać pad druhim numaram u macniejšaj hrupie A.
Taki vynik losavańnia, jakoje prajšło 11 sakavika ŭ Minskaj haradskoj ratušy.

Pieršymi na dyvan vyjduć ukrainki, trecimi — izrailcianki, dalej — himnastki Rasii, Azierbajdžana, Polščy, Bałharyi, Ispanii, Aŭstryi i Italii. Astatnija zbornyja raźmierkavany ŭ hrupy V i S (pa 12 kamand).

U junijorskim hrupavym praktykavańni našy spartsmienki vystupiać 14-mi siarod 23 kamand.

Hałoŭny trenier biełaruskaj zbornaj Iryna Laparskaja, kamientujučy vyniki losavańnia darosłych spabornictvaŭ, paviedamiła BiełaPAN, što było b lepš vystupać u kancy, čym u pačatku, adnak rańni vychad kampiensujecca tym, što najmacniejšyja zbornyja buduć vystupać adna za adnoj.

Na cyrymonii losavańnia byli pakazanyja aficyjny znak čempijanatu Jeŭropy — łastaŭka, a taksama miedali. «My praviadziem hetyja spabornictvy tak, kab vy prasili pravieści ŭ Minsku i nastupny čempijanat», — zajaviŭ staršynia Minharvykankama Mikałaj Ładućka, źviartajučysia da delehacyi techničnaha kamiteta pa mastackaj himnastycy Jeŭrapiejskaha sajuza himnastyki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?