Jeŭrakamisija maje namier zabaranić ujezd aŭtamabilaŭ na tradycyjnym palivie ŭ harady kantynienta da 2050 h.
Pra heta paviedamiŭ kamisar pa transparcie Siim Kałas. Jon rastłumačyŭ, što ŭ płanach Brusela — pastupovaje skaračeńnie kolkaści mašyn ź bienzinavymi ruchavikami ŭ jeŭrapiejskich haradach na 50% da 2030 h. Akramia taho, Jeŭropa maje namier całkam pazbavicca ad vychłapnoha hazu na vulicach jašče praz 20 hadoŭ, pieradaje Bi-bi-si.

Akramia skaračeńnia vykidaŭ CO2, hetaj mieraj Jeŭrakamisija raźličvaje «nablizicca» da likvidacyi śmiarotnaści ŭ darožnych avaryjach. Kampiensavać zaniapad pryvatnaha aŭtatranspartu płanujecca za košt pavieličeńnia parkaŭ hramadskaha transpartu z ruchavikami na alternatyŭnym palivie, pašyreńnia maršrutnaj sietki, raźvićcia pryharadnych čyhunačnych i vodnych pieravozak.

Za 39 hadoŭ Brusel płanuje źviazać čyhunačnymi ekspresami ŭsie bujnyja avijacyjnaha vuzły Jeŭropy ź ich haradskimi centrami. U svaju čarhu, avijakampanii da 2050 h. abaviazanyja pastupova pavialičyć na 40% vykarystańnie nizkavuhlarodzistaha paliva dla zapraŭki svaich samalotaŭ.

Inicyjatyva Jeŭrakamisii ŭžo sutyknułasia z aktyŭnym supraćdziejańniem Vialikabrytanii.
Ministr transpartu Złučanaha Karaleŭstva Norman Bejkier adchiliŭ prapanovu ab zabaronie bienzinavych i dyzielnych ruchavikoŭ u haradach ES da 2050 h. «Pakul nie źjaviacca prastakutnyja banany, my nie majem namieru zabaraniać ujezd aŭtamabilaŭ u haradskija centry», — rastłumačyŭ N. Bejkier.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?