Sfarmiravanaja čarha tych, chto maje patrebu ŭ palapšeńni žyllovych umoŭ, u Minsku pakul pierahladacca nie budzie. Pra heta na pres-kanfierencyi 29 sakavika zajaviŭ staršynia Minharvykankama Mikałaj Ładućka.

Nahadajem, 25 sakavika padčas dakłada Minharvykankama ab pierśpiektyvach zabudovy stalicy da 2015 hoda Alaksandr Łukašenka daručyŭ pierahledzieć paradak farmiravańnia čarhi z tych, chto maje patrebu ŭ palapšeńni žyllovych umoŭ u stalicy. Prezident ličyć niespraviadlivym, što ŭ čarzie znachodziacca jak tyja, chto nie maje nijakaha žylla, tak i tyja, chto zusim krychu nie daciahvaje da narmatyvu ŭ 15 kv. m na čałavieka.

Ładućka zaznačyŭ, što ŭ čarzie tych, chto maje patrebu ŭ palapšeńni žyllovych umoŭ, u stalicy znachodziacca prykładna 280 tys. čałaviek, heta ŭ 2,5 razu bolš, čym hod tamu. Prykładna 60 tys. ź ich nie majuć va ŭłasnaści nijakaha žylla.

«Jość inicyjatyva, jakaja budzie razhladacca, i potym budzie prymacca rašeńnie. Ale dziejničać u hetym kirunku tym ci inšym čynam treba», — miarkuje staršynia Minharvykankama.

Pry hetym jon zaznačyŭ, što ŭmovy pastanoŭki ŭ čarhu — heta zakanadaŭčaje pytańnie, a Minharvykankam — heta vykanaŭčaja ŭłada. «Tyja 280 tys. hramadzian, jakija znachodziacca ŭ čarzie i majuć patrebu ŭ palapšeńni žyllovych umoŭ, takimi i źjaŭlajucca», — padkreśliŭ Ładućka.

Jon pryvioŭ prykład abmiežavańnia zabudovy mnohich stalic, u tym liku Prahi, Varšavy i Maskvy. U Minsku razhladajecca varyjant zabudovy terytoryj za MKAD i ŭ haradach-spadarožnikach. «Prezident daručyŭ Minsku i Minskaj vobłaści raspracavać płan sumiesnych dziejańniaŭ, i Minsku, mahčyma, daviadziecca ŭziać na siabie finansavańnie raźvićcia hetych terytoryj», — zaznačyŭ Ładućka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?