U suviazi z paślavybarčymi represijami ŭ Biełarusi i padziejami ŭ krainach Paŭnočnaj Afryki Jeŭrasajuz vyrašyŭ pierahledzieć svaju palityku susiedstva. Pierapracavany varyjant zhadanaj stratehii maje być abnarodavany ŭ traŭni.

Kamisar u pytańniach pašyreńnia i dobrasusiedstva ES Štefan Fiule zaznačyŭ, što ŭmovy vydzialeńnia Bruselem dapamohi susiedziam stanuć bolš strohimi.

Ministr zamiežnych spraŭ Polščy Radasłaŭ Sikorski, u svaju čarhu, patłumačyŭ, što zamiest «vialikaha piernika» — dałučeńnia da ES, jakoha Brusel nie moža abiacać svaim uschodnim susiedziam — ES raspracuje vialikuju kolkaść «drobnych piernikaŭ». Takim čynam Brusel atrymaje mahčymaść prapanoŭvać bolš tym partnioram, jakija vykazvajuć bolš achvoty da reformaŭ.

Kamientujučy situacyju ŭ Biełarusi Sikorski zajaviŭ, što ŭ Alaksandra Łukašenki «pakul jość vybar — stać, umoŭna kažučy, hienierałam Jaruzielskim, jaki pryhniataŭ svoj narod, ale potym raspačaŭ praces pierachodu Polščy da demakratyi. Abo jon choča zakončyć karjeru, jak kiraŭniki krainaŭ našych paŭdzionnych susiedziaŭ», — padsumavaŭ kiraŭnik polskaha MZS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?