Siły Kadafi adciskajuć paŭstancaŭ na ŭschod, jany ŭžo adnavili kantrol za Brehaj i Ras-Łanufam

Siły, łajalnyja livijskamu lidaru Muamaru Kadafi, atakavali paŭstancaŭ, nanosiačy ŭdary rakietami i adciskajučy ich tankavymi častkami, tym samym prymušajučy paŭstancaŭ adstupić na ŭschod.

Zhodna z repartažam arabskich telekanałaŭ, siły Kadafi paśpiachova adcisnuli paŭstancaŭ z dvuch niadaŭna advajavanych haradoŭ — Marsa-Brehi i Ras-Łanufa.

Ciapier jany adstupajuć da Adždabii.

U aŭtorak siły apazicyi, adychodziačy ad Ben-Džavada, kryčali: «Sarkazi, dzie ty?».

Tak jany prasili dapamohi ŭ samaha zaŭziataha prychilnika vajennaj apieracyi ŭ Livii — prezidenta Francyi Nikala Sarkazi.

U vychodnyja paŭstancy chutka ruchalisia na zachad i zajaŭlali nie tolki ab uziaćci Ras-Łanufa i Marsa-Briehi.

U noč na paniadziełak źjavilisia paviedamleńni ab tym, što paŭstancy nibyta zmahli ŭziać rodny horad Kadafi Sirt. Livijskija ŭłady heta abvierhli, zładziŭšy dla žurnalistaŭ ekskursiju ŭ horad, nasielnictva jakoha składajecca ŭ asnoŭnym z pradstaŭnikoŭ plemieni, da jakoha naležyć livijski lidar.

Adstupleńnie paŭstancaŭ demanstruje, nakolki mocna jany zaležać ad udaraŭ VPS kaalicyi: minułaj nočču kaalicyja źniziła intensiŭnaść udaraŭ.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?