2-haradskaja kliničnaja balnica Minska pierajedzie ŭ novyja karpusy, raźmieščanyja pa vulicy Enhielsa. Ab hetym paviedamiŭ staršynia Minharvykankama Mikałaj Ładućka ŭ aŭtorak na pres-kanfierencyi

Ciapier na vulicy Enhielsa ŭzvodziać dva korpusy. Balnica budzie asnaščana sučasnym miedycynskim abstalavańniem, u joj buduć kamfortnyja pałaty dla pacyjentaŭ — na 2–3 čałavieki, z sanvuzłom i dušavoj, raskazaŭ mer stalicy. «Heta budzie pryncypova novaja klinika, jakuju buduje horad. Bo stvaryć nieabchodnyja ŭmovy dla znachodžańnia pacyjentaŭ u dziejučaj klinicy, raźmieščanaj pa vulicy Bahdanoviča, niemahčyma», — adznačyŭ staršynia Minharvykankama.

Paśla zaviaršeńnia budaŭnictva novych karpusoŭ nieabchodna budzie vyzvalić terytoryju staroj balnicy. «Heta pomniki architektury. Łohika sučasnaha raźvićcia horada padkazvaje, što tam treba raźmiaščać niešta inšaje, što budzie słužyć absalutnaj bolšaści nasielnictva», — pierakanany Mikałaj Ładućka.

Na budaŭnictva karpusoŭ 2-j haradskoj kliničnaj balnicy płanujecca zraschodavać amal Br200 młrd. biudžetnych srodkaŭ. Płanujecca, što pieršaja čarha abjekta achovy zdaroŭja budzie ŭviedziena ŭ ekspłuatacyju ŭ 2011 hodzie.

Mikałaj Ładućka taksama dadaŭ, što ŭ rabocie znachodzicca prajekt pa ŭźviadzieńniu novaj kliničnaj balnicy ŭ pasiołku Navinki. «Eskizny prajekt raspracavany, hatovy pieršy etap architekturnaha prajekta. Balnica raźmieścicca na terytoryi kliničnych ustanoŭ u Navinkach — takoje rašeńnie pryniata dla taho, kab dapoŭnić hetu terytoryju, kab jana raźvivałasia», — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?