Arhanizacyja «Mižnarodnaja amnistyja» zaklikała vyzvalić 20-hadovaha aktyvista ruchu «Za Svabodu» Mikitu Lichavida, jaki 29 sakavika byŭ pryhavorany da troch z pałovaj hadoŭ pazbaŭleńnia voli pa abvinavačańni va ŭdziele ŭ masavych biesparadkach u Minsku 19 śniežnia 2010 hoda.

«Mižnarodnaja amnistyja» nahadvaje, što 24 sakavika za «asabliva złosnaje chulihanstva» byli asudžany lidar «Maładoha frontu» (zarehistravany ŭ Čechii) Źmicier Daškievič (dva hady kałonii ahulnaha režymu) i aktyvist arhanizacyi Eduard Łobaŭ (čatyry hady kałonii ŭzmocnienaha režymu). «Całkam zrazumieła, što try aktyvisty byli pryhavoranyja na padstavie sfabrykavanych abvinavačańniaŭ tolki tamu, što jany aśmielilisia krytykavać vybary, jakija byli atručanyja parušeńniami», — zajaviŭ dyrektar prahram «MA» u Jeŭropie i Centralnaj Azii Nikoła Dakvort.

Pavodle jaho słoŭ, Daškievič i Łobaŭ byli zatrymany napiaredadni 19 śniežnia, kab jany nie zmahli ŭziać udzieł u demanstracyi.

«Hetyja ludzi źjaŭlajucca viaźniami sumleńnia, — padkreśliŭ Dakvort. — Jany źmieščanyja ŭ turmu za mirnaje vykazvańnie svaich pohladaŭ i pavinny być biez pramarudžvańnia i biezahavoračna vyzvaleny».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?