Vierahodna, Natalli Radzinaj budzie pradjaŭlenaje kančatkovaje abvinavačvańnie i jaje pačnuć znajomić sa spravaj.

Siońnia ranicaj redaktaru sajta charter97.org Natalli Radzinaj patelefanavaŭ śledčy i skazaŭ, što jana pavinna być zaŭtra ranicaj u Minsku. Supracoŭnik KDB nie ŭdakładniŭ, navošta kankretna vyklikajuć žurnalistku, adznačyŭšy tolki, što dla «praviadzieńni śledčych dziejańniaŭ».

Advakat žurnalistki Marjana Siamieška nie vyklučaje, što Natalli Radzinaj moža być pradjaŭlenaje kančatkovaje abvinavačvańnie i jaje pačnuć znajomić z materyjałami kryminalnaj spravy dla nastupnaj pieradačy ŭ sud.

Da hetaha času žurnalistka, jakaja bolš za miesiac praviała ŭ SIZA KDB, a ciapier znachodzicca ŭ «vysyłcy» ŭ Kobrynie, za 300 kiłamietraŭ ad Mienska pad padpiskaj ab niavyjeździe, abvinavačvałasia pa dvuch častkach artykuła 293 KK RB. Kančatkovaha abvinavačvańni joj jašče nie pradjaŭlali. Va ŭsiakim vypadku, aficyjna. Adnak 27 sakavika ŭ prapahandysckim filmie na telekanale STV prahučała, što Natalli Radzinaj «užo pradjaŭlena abvinavačvańnie ŭ arhanizacyi masavych biesparadkaŭ u Minsku».

«Vidavočna paskareńnie pracesaŭ u razdźmutym śpiecsłužbami kryminalnaj spravie ab padziejach 19 śniežnia. Sudovy kanviejer pracuje chutka i bieź pierabojaŭ, jak pa zamovie, pryhavorvajučy apazicyjanieraŭ da žachlivych terminaŭ źniavoleńnia. Mabyć, dajšła čarha i da žurnalistaŭ. Zaraz pačnuć raspraŭlacca z nami tolki za toje, što pracavali na Płoščy i nie maŭčali ŭsie hetyja 17 hadoŭ dyktatury», — zajaviła Natalla Radzina.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?