Kancern «Biełnaftachim» adkazaŭ na kalektyŭny zvarot aŭtamabilistaŭ adnosna farmavańnia cen na paliva, paviedamiŭ BiełaPAN dyrektarinfarmacyjna-aśvietnaj ustanovy «Za Aŭto» Arciom Šarkoŭ.
Napiaredadni čarhovaha pavyšeńnia adpusknych cen na paliva, jakoje adbyłosia 31 sakavika, ustanova «Za Aŭto» atrymała adkaz «Biełnaftachima» na kalektyŭny zvarot, jaki byŭ nakiravany ŭ kancern, Saŭmin i Administracyju prezidenta.
U zvarocie inicyjatary pryvodzili dovady na karyść nieabhruntavanaści pavyšeńnia cen na paliva, patrabavali pazbavić «Biełnaftachim» manapolnaha prava na rehulavańnie hetych cen, a taksama prasili padać kalkulacyju — schiemu farmavańnia kančatkovaha koštu paliva.
Pavodle słoŭ Šarkova, ni na adno z pastaŭlenych u zvarocie pytańniaŭ kancern «Biełnaftachim» nie adkazaŭ. Na jaho dumku, adkaz na zvarot nosić «chutčej apraŭdalny charaktar» — kancern sprabavaŭ rastłumačyć, što farmavańnie cen adbyvajecca ŭ miežach dziejnaha zakanadaŭstva, vypusk naftapraduktaŭ dla nasyčeńnia ŭnutranaha rynku nie spałučany z atrymańniem prybytku, a kančatkovy košt paliva zaležyć ad mnostva faktaraŭ.
«U adkazie značyłasia, što aptovyja i roźničnyja ceny na naftapradukty farmujucca kancernam u adpaviednaści z zakanadaŭstvam Biełarusi, — paviedamiŭ Šarkoŭ.— A mienavita ŭkazam prezidenta № 72 „Ab niekatorych pytańniach rehulavańnia cen i taryfaŭ Respubliki Biełaruś“, zakonam ab cenaŭtvareńni, Padatkovym kodeksam Biełarusi, pastanovaj Minekanomiki».
«Pry farmavańni cenaŭ, u pieršuju čarhu, prymajecca pad uvahu toje, što aŭtamabilnaje paliva — heta sacyjalna značny tavar, a prybytak vytvorca naftapraduktaŭ pry realizacyi naftapraduktaŭ na ŭnutranym rynku nie praduhledžvajecca», — pracytavaŭ vytrymku z adkazu dyrektar «Za Aŭto».
Šarkoŭ adznačyŭ, što ŭ adkazie kancerna značycca: z pryčyny taho, što košt naftavaj syraviny niaŭchilna ros z sakavika minułaha hoda, heta i pryviało da pavyšeńnia kančatkovych cen na paliva. Taksama «Biełnaftachim» u svaim liście paviedamiŭ, što ŭ cenaŭtvareńni hetych vidaŭ tavaraŭ značnuju rolu adyhryvajuć «padatkovaja nahruzka i akcyzy, jakija ŭstanaŭlivajucca zakanadaŭča».
Kancern u svaim adkazie taksama ŭkazvaŭ na vysoki košt paliva ŭ krainach Prybałtyki, paviedamiŭ dyrektar «Za Aŭto».
«Mnie zdajecca, „Biełnaftachim“ byŭ zacikaŭleny ŭ tym, kab my atrymali hety adkaz raniej, čym ceny na paliva pavysiacca, jany chacieli apraŭdacca», — dadaŭ Arciom Šarkoŭ.
Ruch aŭtamabilistaŭ «Za Aŭto» staŭ inicyjataram pratestnych akcyj
