Hieneralnaja prakuratura pakul što nie nakiroŭvała zapytu ŭ Čechiju, kab pravieści ekstradycyju byłoha kandydata ŭ prezydenty Biełarusi Alesia Michaleviča.
Hieneralny prakuror Ryhor Vasilevič paviedamiŭ žurnalistam, što «hetaje pytańnie pakul što znachodzicca ŭ stadyi razhladu».
Aleś Michalevič abvinavačany pa kryminalnaj spravie ab padziejach 19 śniežnia.
19 lutaha palityka vyzvalili z turmy KDB pad padpisku ab niavyjeździe.
28 lutaha Michalevič zajaviŭ, što byŭ vyzvaleny paśla taho, jak pahadziŭsia stać ahientam KDB. Jon skazaŭ, što vymušany byŭ pajści na taki krok «praz žudasnyja ŭmovy ŭtrymańnia ŭ SIZA, jakija možna rascanić jak katavańni».
14 sakavika praz Rasieju i Ŭkrainu Michalevič dabraŭsia da Čechii, dzie paźniej atrymaŭ palityčny prytułak.