Parlament Słavaččyny vystupiŭ z žorstkaj zajavaj pra sytuacyju ŭ Biełarusi.
U pryvatnaści, Nacyjanalnaja Rada Słavackaj Respubliki patrabuje ad Alaksandra Łukašenki «nieadkładnaha vyzvaleńnia palityčnych źniavolenych i admieny mier pakarańnia ŭ dačynieńni da ŭsich biełaruskich hramadzian, jakija byli asudžanyja ŭ suviazi z demanstracyjaj 19 śniežnia 2010 hodu».
Pra heta sa spasyłkaj na ambasadu Słavaččyny ŭ Miensku paviedamiła ahienctva BiełaPAN.
Parlament hetaj krainy rekamendavaŭ prezydentu Słavaččyny Ivanu Hašparaviču i ŭradu ŭ chodzie dvuchbakovych i šmatbakovych sustreč damahacca vyzvaleńnia palityčnych źniavolenych u Biełarusi.
Nacyjanalnaja Rada Słavackaj Respubliki ličyć «hvałtoŭny razhon demanstracyi ŭ Miensku 19 śniežnia 2010 hodu hrubym złoŭžyvańniem palityčnaj i palicejskaj uładaj z boku biełaruskaha palityčnaha režymu ŭ dačynieńni da svaich niavinnych i biezabaronnych hramadzian», — havorycca ŭ zajavie.
