Pa barysaŭskich vulicach voś užo bolš za miesiac raźjazdžaje niezvyčajny aŭtamabil. Niezvyčajnaść jaho składajecca ŭ tym, što na bakavym škle pryleplenyja partrety eks-kandydata ŭ prezidenty Uładzimira Niaklajeva sa słovami «Svabodu Niaklajevu!».

Mašyna naležyć barysaŭskamu indyvidualnamu pradprymalniku Michaiłu Vasiljevu, jaki na prezydenckich vybarach 2010 hodu byŭ davieranaj asobaj kandydata Niaklajeva. Jak kaža Michaił, partrety eks-kandydata na jaho aŭtamabili prydzirak z boku DAI nie vyklikajuć.

«Byŭ adnojčy vypadak, kali mianie spynili ŭ Barysavie supracoŭniki DAI, — raspaviadaje Vasiljeŭ. — Inśpiektar, ubačyŭšy partrety Niaklajeva, tolki zamachaŭ rukami — prajazdžaj. Ja apuściŭ škło i kažu: „Dyk dakumienty hladzieć budziecie?“. „Nie-nie-nie! Prajazdžaj!“, — niejak navat spałochana ŭskliknuŭ DAI-šnik. Ja jezdžu z partretami i zaklikami vyzvalić Niaklajeva z 25 lutaha. Z hetaj nahody nijakich zaŭvah ni ŭ kaho nie było».

Na samoj spravie, pryklejvańnie padobnych ahitacyjnych ulotak na šybach aŭtamabila nie źjaŭlajecca parušeńniem nie tolki zakanadaŭstva, ale i jakich-niebudź praviłaŭ. Prylaplać ci nie prylaplać ich — asabistaja sprava ŭładalnika aŭtamabila. Jak bačym, padstavaj dla jakich-niebudź niepryjemnaściaŭ heta nie stanovicca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?