Zamiežniki vyvodziać svaje aktyvy ź biełaruskich pradpryjemstvaŭ 3

U apošnija 4–5 miesiacaŭ zamiežniki pačali aktyŭna pradavać svaje aktyvy, jakija znachodziacca na terytoryi RB.

Amal usie pradpryjemstvy, jakija siońnia pradajucca pa košcie ad 3 młn jeŭra, — heta zamiežnyja aktyvy, u pryvatnaści, takich krain, jak Hiermanija, Vialikabrytanija i inš.

Pra heta paviedamiŭ dyrektar minskaha ofisa biznes-ahienctva «Vaša firma» (Rasija) Juryj Ebier padčas IV štohadovaj praktyčnaj kanfierencyi «Rynak akonnych, dźviarnych i fasadnych kanstrukcyj u Respublicy Biełaruś — 2011».

Čym vyklikanaje takoje ažyŭleńnie, analityk nie ŭdakładniŭ. Ale ŭdzielniki mierapryjemstva vykazali zdahadki, što padstavaj dla zhortvańnia biznesu ŭ Biełarusi pasłužyli padziei ŭ chołdynhavaj kampanii «Pinskdreŭ».

Pavodle acenak analitykaŭ «Vašaj firmy», za apošni hod kolkaść vystaŭlenych na prodaž hatovych pradpryjemstvaŭ abo firmaŭ vyrasła bolš čym u 3 razy. Košt abjektaŭ źniziŭsia prykładna na 20%. A apošnim časam, jak zaŭvažyŭ Ju. Ebier, prapanova prapanavanych na prodaž pradpryjemstvaŭ štomiesiac pryrastaje na 15%.

belmarket.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH