Na stancyi mietro «Maładziožnaja» pačnie funkcyjanavać jašče adzin viestybiul, jaki byŭ zakansiervavany z momantu jaje adkryćcia ŭ 1995 hodzie.
Pra heta karespandentu ahienctva «Minsk-Naviny» paviedamiŭ načalnik Dyrekcyi pa budaŭnictvie Minskaha mietrapalitena Pavieł Carun. Praz druhi vychad pa piešachodnym tuneli pasažyry zmohuć trapić na płatformu stancyi Minsk-Paŭnočny na trasie chutkasny elektryčki.
Budaŭnictva piešachodnaha tunelu UP «Minskmietrabud» pačnie ŭ najbližejšy čas, jak tolki zavieršycca ekśpiertyza prajektna-kaštarysnaj dakumientacyi na hetyja pracy. Skončyć ich płanujecca ŭ žniŭni-vieraśni, udakładniŭ Pavieł Carun.
Dziakujučy novamu pierasadačnym vuzłu pasažyram elektryčki nie treba budzie jechać da stancyi Minsk-Pasažyrski, kab patrapić u mietro. Nie dajazdžajučy da čyhunačnaha vakzała, jany zmohuć spuskacca na druhuju liniju padziemki, i naadvarot.
Siońnia «Maładziožnaja» — adna z samych «małanasielenych» stancyj minskaha mietro. Napeŭna z uviadzieńniem u ekspłuatacyju novaha pierasadačnaha vuzła pasažyrapatok na joj pavialičycca.
Minsk-Naviny
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
