Členy arhkamiteta pa stvareńni partyi «Biełaruskaja chryścijanskaja demakratyja» (BCHD) nakiravali ŭ prakuraturu Minska 127 chadajnictvaŭ ab źmienie miery strymańnia sustaršyni arhkamiteta Paŭłu Sieviaryncu,paviedamiŭ adkazny sakratar arhkamiteta pa stvareńni BCHD Dzianis Sadoŭski.
Chadajnictvy byli nakiravany viečaram 4 krasavika z Hałoŭnaha paštamta. U chadajnictvach prychilniki stvareńnia BCHD prosiać źmianić mieru strymańnia Sieviaryncu z utrymańnia pad vartaj na padpisku ab niavyjeździe. Jany ručajucca za toje, što abvinavačany nie schavajecca ad śledstva.
«Paručycielstvy źbiralisia na praciahu miesiaca. Pryčym nie tolki ŭ Minsku, ale i ŭ rehijonach. Za vyzvaleńnie Sieviarynca padpisalisia bolš za sto čałaviek, heta dobry vynik», — skazaŭ Sadoŭski.
Pavodle jaho słoŭ, u suviazi ź niadaŭnimi ŭciokami za miažu
Pavodle słoŭ Sadoŭskaha, pakolki aktyvisty BCHD nie zdoleli dabicca, kab da Sieviarynca puścili śviatara, padpisanty chadajnictvaŭ vykazali nadzieju, što jaho vypuściać da suda i da adnaho z hałoŭnych śviataŭ carkoŭnaha kalendara — Vialikadnia.
Nahadajem, 4 krasavika śledčym upraŭleńniem papiaredniaha rasśledavańnia HUUS Minharvykankama vystaŭlena kančatkovaje abvinavačańnie jašče čatyrom fihurantam kryminalnaj spravy ab masavych biesparadkach. Dźmitryj Bandarenka, Siarhiej Marcaleŭ, Pavieł Sieviaryniec i Iryna Chalip abvinavačvajucca na padstavie č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Zhodna z hetym artykułam im pahražaje pazbaŭleńnie voli na termin da troch hadoŭ.
Raniej Sieviaryniec i astatnija fihuranty hetaj spravy abvinavačvalisia ŭ arhanizacyi masavych biesparadkaŭ na padstavie artykuła 293 KK. Hety artykuł praduhledžvaje da 15 hadoŭ pazbaŭleńnia voli.