U Minharvykankam padadziena zajaŭka na praviadzieńnie 26 krasavika tradycyjnaha «Čarnobylskaha šlachu».
Jak paviedamiŭ adzin z zajaŭnikaŭ akcyi, adkazny sakratar arhkamiteta pa stvareńni partyi «Biełaruskaja chryścijanskaja demakratyja» Dzianis Sadoŭski, zajaŭka była padadziena viečaram 4 krasavika.
«U piatnicu, 1 krasavika, adbyłosia pasiadžeńnie arhkamiteta pa praviadzieńni „Čarnobylskaha šlachu“, my vypracavali kančatkovy farmat praviadzieńnia akcyi. Jon tradycyjny: zbor na placoŭcy
kala budynka prezidyuma Akademii navuk u 17.45, u 18.30 — pačatak šeścia ŭ bok Čarnobylskaj kaplicy ŭ park Družby narodaŭ, paśla zakančeńnia šeścia — nievialiki mitynh», — skazaŭ Sadoŭski.
Zajaŭku akramia Sadoŭskaha padpisali kiraŭnik arhkamiteta pa praviadzieńni «Čarnobylskaha šlachu» Juryj Chadyka i adzin ź lidaraŭ pradprymalnickaha ruchu Mikałaj Pachabaŭ.
«My hatovy ŭzhadniać paradak praviadzieńnia šeścia i mitynhu ź Minharvykankamam. Kali kolkaść udzielnikaŭ šeścia budzie mienš za piać tysiač čałaviek, my paviadziem kałonu demanstrantaŭ pa piešachodnych zonach», — skazaŭ Sadoŭski.