Abaviazki zaklučajucca ŭ tym, kab jeździć pa kurortach, pić vino i zaharać.
Novaja vakansija ad šviedskaha žanočaha časopisa ab pryhažości i adpačynku Amelia vyklikała niezvyčajny piarepałach na miascovaj biržy pracy. U zajaŭcy, raźmieščanaj u bazie Šviedskaj dziaržaŭnaj słužbie zaniataści, havorycca, što časopisu patrebny śpiecyjalist pa plažnym marnavańni času.
Pieramožcu treba pravieści miesiac u čatyroch roznych kurortach na Korsicy, u Kiejptaŭnie i jašče ŭ dvuch miescach u Azii. «Uklučana praca na pryrodzie, treba budzie bavić čas na plažnych lažakach, raśpivać vino ŭ miascovych barach i rabić inšyja zvykłyja rečy, čym zajmajucca turysty na plažy, — havorycca ŭ abviestcy. — U niekatorych miescach treba budzie zrabić poŭny masaž cieła, pakaštavać roznyja napoi, zaniacca padvodnym płavańniem i čytańniem knih».
Kandydaty pavinny być hatovyja da pracy da poźniaj nočy, pałochajuć pracadaŭcy. «U zajaŭnikaŭ pavinien być dośvied pa marnavańni času ciaham doŭhaha pieryjadu času», — dadajuć jany. Vynikam adpačynku (
«My atrymali vielizarnuju kolkaść vodhukaŭ, — kaža hałoŭny redaktar časopisa Asa Łundehard. — Abjava było vyviešana litaralna niekalki hadzin tamu, a da nas užo pryjšli sotni zajavak». Ciapier kiraŭnictva časopisa prahladaje reziume i šukaje samaha lepšaha kandydata.
