Skandalnaja rasijskaja balaryna napisała pra prablemy z kancertam u Minsku.

 Prablemy ŭ Vałačkovaj pačalisia paśla skandalnaj studzieńskaj fotasiesii na Maldyvach.

Prablemy ŭ Vałačkovaj pačalisia paśla skandalnaj studzieńskaj fotasiesii na Maldyvach.

«Ranicaj mianie pastavili pierad faktam, što ŭsie maje kancerty ŭ Biełarusi admianiajucca. 7 krasavika ja vystupaju ŭ Kalininhradzie, a 8-ha pavinna lacieć u Minsk, ale hetaja pajezdka ledź nie sarvałasia», — piša znakamitaja rasijskaja balaryna Anastasija Vałačkova ŭ svaim błohu. —

«Arhanizatar kancertaŭ prosta źnik, ź im było niemahčyma źviazacca. Dalej kłubok staŭ raskručvacca, i vyśvietliłasia, što ŭ Biełarusi ŭžo daŭno byli zabłakavanyja prodažy maich kvitkoŭ, ja tak zrazumieła, što pa terminach heta supała z momantam źniaćcia majoj rekłamy ź Pieršaha kanała ŭ Hiermanii.
Ja nie chaču nikoha vinavacić, ale ŭsio vielmi vidavočna».

Dalej balaryna paviedamlaje, što z «ciažkaściu, ale advajavała svoj kancert u Minsku». «Moj abaviazak vystupić pierad hledačom, jaki paśpieŭ nabyć kvitki. (…) Uziała vydatki na siabie i na kancert buduć zaprošanyja dzieci z škoł tvorčaści, dziciačych damoŭ i h.d. Mnie nie hrošy važnyja, a taniec, i ja adkaznaja pierad hledačom».

A voś kancert u Maskvie, zapłanavany na 26 krasavika, piša zasłužanaja artystka Rasii, nie adbudziecca. «Mnie nie ŭpieršyniu tryvać usie hetyja supraćdziejańni. Ja tancuju nie dla ŭłady, a dla ludziej».

Adznačym, što kancert Anastasii Vałačkovaj ŭ afišy kancertnaj zały «Minsk» prysutničaje. Z prahramy vynikaje, što šoŭ Anastasii Vałačkovaj «Apładyśmienty» adbudziecca 9 krasavika a 19-j hadzinie. Kvitki kaštujuć ad 60 da 170 tys. bieł.rubloŭ. U kasie KZ paviedamili, što kvitki pradajucca. «Nam skazali, što kancert adbudziecca, kvitki pradajom». Kasirka admoviłasia paviedamić, jak idzie prodaž.

U pryjomnaj administracyi kancertnaj zały pacvierdzili, što kancert nie admianiali: «Pakul zahada admianiać kancert Vałačkovaj nie pastupała. Kvitki pradajucca».

Nahadajem, što 2 lutaha Anastasija Vałačkova vyjšła z partyi «Adzinaja Rasija», u jakuju ŭstupiła ŭ 2003-m. Pryčynaj hetaha kroku stała niehatyŭnaja reakcyja na eratyčnuju fotasiesiju baleryny, apublikavanuju ŭ internecie, a taksama kalektyŭny list partyi z asudžeńniem Michaiła Chadarkoŭskaha. Balaryna paličyła, što ja jaje padmanuli, kali ŭhavaryli padpisać jaho. Z momantu skandalnaj fotasiesii, a ŭśled za joj i vychadu z partyi ŭ Vałačkovaj pačalisia prablemy z kancertami i zapisami na telebačańni. Tam, z prahramy Pieršaha kanała vydalili pieradaču «Pusť hovoriat», pryśviečanuju jubileju artystki.

* * *

Anastasija Vałačkova naradziłasia 20 studzienia 1976 h. u siamji čempijona SSSR pa nastolnym tenisie Juryja Vałačkova. Zasłužanaja artystka Rasii. Narodnaja artystka Karačajeva-Čarkiesii. Łaŭreat Mižnarodnaha konkursa imia Sierža Lifara, uładalnica pryza «Załaty leŭ» i «Benois de la Danse».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?