Łukašenka choča załahodzić Rasiju 12%-aj devalvacyjaj? 3

Pavodle infarmacyi ahientcva «Interfaks-Zachad», prajekt prahramy reformaŭ, padrychtavany dla pryciahnieńnia rasijskaha kredytu na $1 miljard, praduhledžvaje niaznačnuju devalvacyju biełaruskaha rubla. Urad i Nacbank prapanujuć pašyryć kalidor vahańniaŭ valutnaha košyku da 12% z 8%, zapłanavanych na 2011 hod.

Na dadzieny momant devalvacyja z pačatku hoda skłała 6,5%. Heta značycca, što ŭ zapasie Nacbanka zastaniecca 5,5% valutnaha kalidora da kanca hoda.

Bolšaść astatnich punktaŭ prahramy spasyłajucca na ŭžo pryniatyja rašeńni, naprykład, pavieličeńnie kursa biełaruskaha rubla na mižbankavym rynku z 2% da 10%, pavyšeńnie staŭki refinansavańnia na 1,5% i hetak dalej. Ministr ekanomiki Biełarusi

Mikałaj Snapkoŭ napiaredadni ščyra pryznaŭsia, što ŭ padrychtavanaj prahramie «ničoha novaha niama».

Z płanaŭ — skaračeńnie deficytu biudžetu z 3% VUP da 1,5%, a taksama aktyŭnaja pryvatyzacyja.

Pa mierkavańni krynicy «Interfaks-Zachad», prapanavanyja miery naŭrad ci zadavolać rasijski bok, asabliva pavolnaja devalvacyja.

Miarkujecca, što ŭrad Rasii zapatrabuje ad Minska bolš radykalnych krokaŭ.

0

0

0

0

0

0

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH