U śledčym izalatary KDB da mianie stavilisia jak i da astatnich sukamiernikaŭ — nijakich asablivych umovaŭ nie stvarali, ale i katavańniaŭ nie było, — śćviardžaje Alaksandr Fiaduta.
— Stajaŭ ja na toj raściažcy [pra jakuju raskazvaŭ Michalevič -- NN], ale nie dźvie hadziny, jak kazaŭ Michalevič, a nie bolš za
Mnie stała drenna, ja pačaŭ stračvać prytomnaść.
«Fiaduta, vam drenna?» pytajucca,
ja sapraŭdy nie čuŭ, što mnie kažuć. Mnie padali stolik i pasadzili na jaho, kali ŭbačyli, što mnie drenna. I nie tamu, što ja taki dobry — dla ich ja taki ž abvinavačany jak i ŭsie astatnija. Nijakich asablivych umoŭ dla mianie nie stvarali, ale i nijakaha katavańnia nie było.
Svoj stan zdaroŭja paśla śledčaha izalatara Alaksandr Fiaduta aceńvać nie staŭ. Skazaŭ, što nie viedaje i stan hety aceniać daktary. Alaksandr Fiaduta mocna schudnieŭ i fizična asłabieŭ — navat sumki ŭ chatu dapamahli zanieści supracoŭniki KDB, jakija vyvieźli jaho ź izalatara.
Padziei 19 śniežnia stalisia stresam jak dla ułady, tak i dla apazicyi, paśla jakoha ŭsim stała zrazumieła, što situacyju ŭ krainie treba mianiać,— ličyć Alaksandr Fiaduta.
— Usie razumiejuć, što bolš tak isnavać nielha. Možna kazać pra toje, što apazicyja drennaja, pradažnaja, što Zachad jaje padtrymlivaje, albo Rasija padtrymlivaje, albo nichto nie padtrymlivaje. Ale 30 tysiač asobaŭ, jakija prajšli voś hety šlach — ad Kastryčnickaj płoščy da Płoščy Niezaležnaści i ja spadziajusia na toje,
što va ŭłady chopić rozumu i chopić mocy pierastupić praz ułasnyja ambicyi,praz žadańnie, jak kažuć, zaščamić usim palcy, i zrabić peŭnyja vysnovy nakont taho, što z apazicyjaj
***
Viečaram 8 krasavika z turmy KDB vyjšaŭ palitechnołah Alaksandr Fiaduta. Jon byŭ centralnaj fihuraj kampanii «Havary praŭdu».
Jaho aryštavali ŭ noč 20 śniežnia, choć jon navat nie byŭ na Płoščy, a siadzieŭ u štabie Niaklajeva. Try z pałovaj miesiacy Fiadutu, nie samaha zdarovaha čałavieka, utrymlivali ŭ SIZA KDB. Ciapier jaho adpuścili pad padpisku ab niavyjeździe.
Źviarnuła ŭvahu, što Fiaduta vyjšaŭ na svabodu apošnim ź lidaraŭ kampanii «Havary praŭdu».
Žonka palitviaźnia Maryna kaža, što Alaksandr pachudzieŭ na 15 kiłahramaŭ, a taksama adhadavaŭ vusy. Fiaduta paprasiŭ dva dni času, kab ačomacca. Potym jon adkaža na ŭsie pytańni.Niadaŭna Fiaducie było źmienienaje abvinavačvańnie. Z masavych biesparadkaŭ jaho pierakvalifikavali ŭ dziejańni, jakija hruba parušajuć hramadski paradak.
«U adpaviednaści z vynikami praviedzienych raniej śledčych mierapryjemstvaŭ, u suviazi z ustanaŭleńniem asnoŭnych akaličnaściaŭ kryminalnaj spravy pa fakcie masavych biesparadkaŭ, roli kožnaha z abvinavačvanych i ich linii pavodzinaŭ śledstvam pa ŭzhadnieńni z orhanami prakuratury pryniata rašeńnie ab źmianieńni miery strymańnia ŭ dačynieńni da Fiaduty A.I. z zaklučeńnia pad vartu na padpisku ab niavyjeździe i naležnych pavodzinach», — havorycca ŭ paviedamleńni, raźmieščanym na sajcie MUS.
Maryna Fiaduta raskazvaje: «Patelefanavali prykładna, a
Fiaduta byŭ zatrymany ranicaj 20 śniežnia i dastaŭleny ŭ SIZA KDB. Spačatku jon abvinavačvaŭsia pa artykule 293 Kryminalnaha kodeksa ŭ arhanizacyi i ŭdziele ŭ masavych biesparadkach u Minsku 19 śniežnia (da 15 hadoŭ pazbaŭleńnia voli). 30 sakavika śledčaje ŭpraŭleńnie papiaredniaha rasśledavańnia HUUS Minharvykankama pradjaviła Fiadutu i šerahu inšych fihurantaŭ abvinavačańnie na padstavie artykuła 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich; maksimalnaje pakarańnie — try hady pazbaŭleńnia voli).
U paviedamleńni MUS ab źmianieńni Fiaducie miery strymańnia taksama havorycca:
«Śledčym upraŭleńniem papiaredniaha rasśledavańnia HUUS Minharvykankama Fiadutu A.I., a taksama Marcalevu S.U., Sieviaryncu P.K., Chalip I.U., Bandarenku D.Ja., Niaklajevu U.P., Vaźniaku S.U., Dźmitryjevu A.U., Rymašeŭskamu V.A. i Pałažancy A.U. było pradjaŭlena abvinavačańnie na padstavie č. 1 art. 342 KK u arhanizacyi hrupavych dziejańniaŭ, jakija hruba parušajuć hramadski paradak i aktyŭnym udziele ŭ ich.
Padčas papiaredniaha śledstva dziejańniam usich asob, pryciahnutych da kryminalnaj adkaznaści, davałasia indyvidualnaja pravavaja acenka na asnovie strohaha vykanańnia pryncypu prezumpcyi nievinavataści. Pry hetym śledstva ličyć ustanoŭlenym fakt papiaredniaj damoŭlenaści tolki pamiž asobnymi arhanizatarami zhadanych padziej.
Śledstvam pradstaŭleny dakładnyja dokazy dla vyznačeńnia vinavataści A.Sańnikava, M.Statkieviča i D.Usa ŭ arhanizacyi masavych biesparadkaŭ.
U toj ža čas udzieł šerahu pryciahnutych da kryminalnaj adkaznaści asob, jak było ŭstanoŭlena rasśledavańniem, abmiežavaŭsia arhanizacyjaj niesankcyjanavanaha mitynhu i šeścia. U vyniku była parušana praca transpartu, pradpryjemstvaŭ, ustanoŭ i arhanizacyj, zychodziačy z čaho ich dziejańni ŭ strohaj adpaviednaści z zakonam kvalifikavany na padstavie č. 1 art. 342 Kryminalnaha kodeksa Respubliki Biełaruś.
Śćviardžeńni pra najaŭnaść niepaśladoŭnaści ŭ pravavoj acency dziejańniaŭ asobnych abvinavačvanych nie adpaviadajuć rečaisnaści, nosiać niekarektny jurydyčny charaktar i staviać metaj skampramietavać vyniki papiaredniaha rasśledavańnia i akazać niezakonny nacisk na sud pry razhladzie hetych spraŭ».
U turmie Alaksandr Fiaduta praciahvaŭ pracavać jak navukoviec: jon vydatny daśledčyk kultury XIX stahodździa. Jon dasyłaŭ žoncy pračułyja listy ź vieršami i malunkami.
Kandydat u prezidenty Uładzimir Niaklajeŭ, lidar «Havary praŭdu», znachodzicca pad chatnim aryštam i nijakich palityčnych zajavaŭ ad času pieravodu z turmy damoŭ nie rabiŭ.
