Polskaje MZS vydzieliła 2,3 młn dalaraŭ na dapamohu Biełarusi, ščodra padtrymaje Biuro salidarnaści ŭ Varšavie 4

Ministerstva zamiežnych spraŭ Polščy abvieściła vyniki konkursa prajektaŭ «Padtrymka biełaruskaha hramadstva 2011».

U im mahli ŭdzielničać tolki polskija arhanizacyi. Supierničali samyja roznyja prajekty: univiersitety prapanoŭvali biaspłatnaje navučańnie dla biełarusaŭ, prafiesijnyja sajuzy — dapamohu kaleham.

Ahulnaja suma vydzielenych srodkaŭ skłała až 7 miljonaŭ złotych. Heta kala 2,3 miljonaŭ u pieravodzie na dalary.

Ci aznačaje, što hetyja hrošy całkam trapiać u Biełaruś ci biełaruskaj apazicyi? Viadoma, nie. Pa-pieršaje, jany skiravany na samyja roznyja śfiery žyćcia: ad dapamohi aŭtapieravozčykam na stvareńnie halinovaha sajuza (realizuje fundacyja Case) da arhanizacyi pajezdak talenavitych dziaciej u Polšču (Fundacyja Kalehium Śviatoha Mikałaja). Pa-druhoje, Polšča daje hetyja hrošy polskim ustanovam, jakija majuć vytračvać ich u pieravažna ŭ Polščy. Apošniaje nieabchodna dla kantrolu za prazrystaściu vydatkoŭvańnia srodkaŭ.

Tym nie mienš, takija prahramy dajuć vialikuju karyść dla raźvićcia niezaležnaha hramadstva ŭ Biełarusi, suviaziaŭ ź Jeŭropaj.

U śpisie padtrymanych prajektaŭ źviartaje na siabie ŭvahu prajekt na paŭmiljona złotych, skiravany na padtrymku raźvićcia viaskovaha pradprymalnictva ŭ Biełarusi.

Jaho maje realizavać Navukova-techničnaje tavarystva inžynieraŭ i technikaŭ sielskaj haspadarki.

Inšy vialiki prajekt nazyvajecca «Palapšeńnie dostupu da niezaležnaj infarmacyi ŭ rehijonach». Jaho prapanavaŭ Uschodniejeŭrapiejski demakratyčny centr.

Ščodruju padtrymku atrymaje i Biuro salidarnaści z demakratyčnaj Biełaruśsiu.

Dva jaho prajekty trapili ŭ lik pieramožcaŭ. Hetaje Biuro zasnavali emihranty ź Biełarusi, što pierajechali ŭ Polšču paśla apošnich vybaraŭ. Siarod ich Julija Słuckaja, byłaja daradca ŭ kampanii «Havary praŭdu».

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH