Adpuščany ź SIZA KDB pad padpisku ab niavyjeździe Alaksandr Fiaduta zrabiŭ karotki zapis u svaim błohu ŭ «Žyvym žurnale»: «Darahija siabry! Ja doma. Dziakuj usim za padtrymku. U ŽŽ budu nie raniej sierady».
Adzin ź lideraŭ kampanii «Havary praŭdu!», davieranaja asoba Uładzimiera Niaklajeva na prezidenckich
Fiaduta byŭ zatrymany ranicaj 20 śniežnia i dastaŭleny ŭ SIZA KDB. Spačatku jon abvinavačvaŭsia pa artykule 293 Kryminalnaha kodeksa ŭ arhanizacyi i ŭdziele ŭ masavych biesparadkach u Miensku 19 śniežnia (da 15 hadoŭ pazbaŭleńnia voli). 30 sakavika śledčaje ŭpraŭleńnie papiaredniaha rasśledavańnia HUUS Minharvykankama pradjaviła Fiaduta i šerahu inšych fihurantaŭ abvinavačvańnie pa art. 342 KK (arhanizacyja i padrychtoŭka dziejańniaŭ, hruba parušajuć hramadzki paradak, albo aktyŭny ŭdzieł u ich; maksimalnaje pakarańnie — try hady pazbaŭleńnia voli).
«U adpaviednaści z vynikami praviedzienych raniej śledčych mierapryjemstvaŭ, u suviazi z ustalavańniem asnoŭnych abstavinaŭ kryminalnaj spravy pa fakcie masavych biesparadkaŭ, roli kožnaha z abvinavačanych i ich linii pavodzin śledstvam pa ŭzhadnieńni z orhanami prakuratury pryniata rašeńnie ab źmianieńni miery strymańnia ŭ dačynieńni da Fiaduty A.I. z uviaźnieńnia pad vartu na padpisku ab nievyjaździe i naležnych pavodzinach «, — havorycca ŭ paviedamleńni, raźmieščanym 8 krasavika na sajcie MUS.
