Šakavanyja rostam cen i imklivaj devalvacyjaj rubla, biełarusy kinulisia mianiać hrošy na pradukty.Skuplajuć usio toje, što jašče dastupna pa starych cenach: cukar, alej, makaronu, rys, marožanuju rybu i harodninu. Usio heta niepaźbiežna padaražeje ŭ vypadku kančatkovaj devalvacyi rubla. Bolšaść aleju, skažam, kraina impartuje z Ukrainy i Rasiei. Toje samaje z rybaj, sadavinaj, praduktami ź ćviordaj pšanicy.
U Minsku ŭ bolšaści kramaŭ hetaja bakaleja ŭžo ŭ subotu pradavałasia pa novych cenach.
Užo siońnia imparciory vymušanyja nabyvać valutu pa śpiekulatyŭnych kursach šeraha rynku. Pakul niajasna, na jakim uzroŭni spynicca padzieńnie rubla: 3300 ci 3600 za dalar. Adnak pryznańnie ŭładami jaho źniaceńvańnia vyhladaje niepaźbiežnym.
Na siońnia na mižbankaŭskim rynku za dalar dajuć 3900 rubloŭ, a za miežami Biełarusi — 4500 rubloŭ, što vyhladaje zusim užo paničnaj kaciroŭkaj.
Abjava na dźviarach pryvatnaj kramy ŭ Ždanovičach pad Minskam. Za paŭdnia ludzi raskupili najaŭnyja zapasy cukru.