Polskija samaloty z delehacyjaj siemjaŭ achviaraŭ smalenskaj trahiedyi, jakija nakiroŭvalisia na miesca krušeńniaTU-154 prezydenta Kačynskaha, u adroźnieńnie ad kastryčnika minułaha hodu abminuli Biełaruś.
Katynskaja mahiła.
Žonka prezydenta Polščy Hanna Kamaroŭska ŭšanavała pamiać pravasłaŭnych achviar Katyni na tak zvanaj «ruskaj častcy» miemaryjału.
Ad śniehu i daždžu rodnyja zahibłych u Smalensku chavalisia za adnolkavymi parasonami.
Partrety achviar katastrofy na biarozie, za jakuju začapiŭsia fiuzelaž prezidenckaha samalota.
Kryž, uźviedzieny smalenskimi palakami na miescy, dzie było znojdzienaje cieła prezydenta Kačynskaha. Mnohija smalenskija palaki pachodziać z Vałožyna, Hłybokaha, Ivianca i inšych miaścinaŭ Zachodniaj Biełarusi.
U subotu, napiaredadni pieršaj hadaviny hibieli 96 achviar avijakatastrofy samalota polskaha prezydenta Lecha Kačynskaha, adbyłasia druhaja pilihrymka pradstaŭnikoŭ «smalenskich siemjaŭ» na miesca strašnaj padziei 10 krasavika minułaha hoda. U Smalensk prybyli 104 svajaki zahibłych z 40 siemjaŭ. Kali letaś jany lacieli praz samy blizki da Smalenska aeraport u Viciebsku, to sioleta abminuli Biełaruś i pryziamlilisia ŭ Maskvie, choć tym samym svajo aŭtobusnaje padarožža da miesca trahiedyi pavialičyli na 200 kilametraŭ i stracili niekalki hadzin času.
A čas dla «smalenskich siemjaŭ» važny, bo im treba paśpieć u niadzielu da
Druhi pryjezd pradstaŭnikoŭ «smalenskich siemjaŭ» u Smalensk, jaki i paŭhoda tamu, arhanizavała žonka novaha prezidenta Polščy Hanna Kamaroŭska.
Smalensk sustreŭ ich nadziva surova dla krasavika — mocnym mokrym śnieham i vietram. Niekatoryja bačyli ŭ hetym peŭny žałobny znak.
Rodnyja achviar smalenskaj trahiedyi chavalisia ad słoty pad adnolkavymi sinimi parasonami, šmat stajali ŭ zadumieńni, płakali, imknulisia paźbiahać razmoŭ z presaj.
Delehacyja ŭziała ŭdzieł ŭ ekumieničnych malitvach, rodnyja achviar uskłali vianki i kvietki da adzinokaj biarozy, u jakuju ŭrezaŭsia prezidencki samalot, da novaha kryža na miescy, dzie znajšli cieła Lecha Kačynskaha. Prahučali proźviščy ŭsich zahibłych.
Naviedali jany i miesca, kudy nia trapiła delehacyja na čale z prezidentam Kačynskim, — Katyń. U paniadziełak tam sustrenucca lidery Polščy i Rasii Branisłaŭ Kamaroŭski i Dźmitryj Miadźviedzieŭ. Mnohija zhadvali, što niezadoŭha da hetaj sustrečy rasiejski bok pieradaŭ Polščy bolš za sto tamoŭ kryminalnych spraŭ achviar Katyni, i vykazvali spadzieŭ, što nieparazumieńni pamiž Maskvoju i Varšavaj u acency tych padziej buduć pieraadolenyja. Jak skazaŭ na žałobnaj cyrymonii syn zahibłaha
Na pamiatnym kamieni miascovyja ŭłady zamianili tabličku. Ciapier jana dźviuchmoŭnaja i niama zhadki, što delehacyja, jakaja zahinuła 10 krasavika minułaha hoda, jechała na mahiły achviar zabitych NKVD palakaŭ.
Ekumieničny charaktar paminalnych słužbaŭ, ščylnaje supracoŭnictva bakoŭ u arhanizacyi vizitu, dalikatnaść rasiejcaŭ śviedčyli pra žadańnie ŭtrymać toj pazityŭny zruch u dvuchbakovych dačynieńniach, jakija zjaviŭsia paśla trahiedyi 10 krasavika minułaha hoda.
U niadzielu vianki da miesca hibieli samalota Kačynskaha ŭskładzie smalenski hubiernatar.
