Niekalki dzion tamu my viarnulisia z Ryhi. My byli z 6 da 10 śniežnia na hramadzka-palityčnaj kanferencyi «Vartaŭniki na ścienach», arhanizavanaj chryścijanskaj carkvoj «Novaje pakaleńnie».

Tak radasna nazirać, jak chryścijanie ŭdzielničajuć u žyćci svajoj krainy, a nie zamykajucca ŭ ścienach svaich carkoŭnych budynkaŭ. Jany zajmajuć aktyŭnuju hramadzianskuju pazycyju, upłyvajuć na hramadztva, udzielničajuć u vybarach, padtrymlivajučy sumlennych i prystojnych kandydataŭ. Ich pastar Alaksiej Ladziajeŭ mužny i śmieły čałaviek, nieraŭnadušny da taho, što adbyvajecca ŭ našaj krainie. U 90-ch hadach jon sam aktyŭna vystupaŭ suprać kamunizmu i savieckaj idealohii.

Padčas pieravarotu ŭ 1991 h. jon stajaŭ na Domskaj płoščy ŭ Ryzie, vystupaŭ na barykadach razam z palitykami. A šmat hadoŭ paśla ŭ našaj Biełarusi pastar A.Ladziajeŭ sustreŭsia z čałaviekam ź Miensku, jaki raspavioŭ, što padčas tych padziejaŭ jon słužyŭ u specnazie ŭ Hruzii, i jak ich specnaz pryvieźli ŭ Ryhu, pastaviŭšy na bajavyja pasty na budynku Unibanku, zahadaŭšy trymać na mušcy ŭsich lideraŭ, jakija vystupajuć na barykadach. Hety čałaviek raspavioŭ, što trymaŭ na mušcy samoha pastara A.Ladziajeva.

Śmiełyja ludzi robiać historyju, a astatnija jaje redahujuć. Heta dobry prykład dla padražańnia našym chryścijanskim lideram.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?