Tavarazvarot pamiž Rasiejaj i Biełarusiaj za 9 miesiacaŭ 2006 hodu ŭzros na 20% u paraŭnańni z studzieniem-vieraśniem minułaha hodu jon skłaŭ $2,6 młrd.

Pryrost tavarazvarotu pamiž Rasiejaj i Armienijaj za vosiem miesiacaŭ 2006 hodu skłaŭ prykładna 50%. Za dziesiać miesiacaŭ 2006 hodu abjom tavarazvarotu Armienii, u paraŭnańni z tym ža peryjadam 2005 hodu, pavialičyŭsia na 14,3% i skłaŭ $2,536 młrd. U tym liku, abjom ekspartu skłaŭ $810,9 młn. (pavialičyŭsia na 2,3%), impartu - $1,725,2 młrd. (rost 20,9%).

Abjom ekspartu Ŭkrainy ŭ Rasieju za 2006 h. vyras na 6% i skłaŭ $5 młrd. A ekspart z Rasiei ŭva Ŭkrainu – $8,9 młrd., pamiž dźviuma krainami raście tavarazvarot i siońnia jon składaje $14 młrd.

U hetym hodzie tavarazvarot pamiž Kazachstanam i Rasiejaj składzie kala 11 młrd. dalaraŭ. Pra heta padčas dvuchbakovych pieramovaŭ z prezydentam RF Uładzimieram Pucinym uva Ŭralsku skazaŭ prezydent Kazachstana Nursułtan Nazarbajeŭ.

U studzieni-žniŭni tavaraabarot pamiž Rasiejaj i Ŭźbiekistanam skłaŭ $1,38 młrd. Heta 120, 9% ad uzroŭniu tavaraabarotu da analahičnaha peryjadu 2005 hoda ...

Tavaraabarot pamiž Rasiejaj i Azierbajdžanam u hetym hodzie nablizicca da adznaki ŭ $1,5 młrd., tavaraabarot pamiž Rasiejaj i Azierbajdžanam u minułym hodzie pavialičyŭsia na 29%, a ŭ hetym hodzie, jak čakajuć, jaho rost składzie 50%.

Tavaraabarot Rasiei i Litvy za dzieviać miesiacaŭ hetaha hodu skłaŭ užo 4 młrd. eŭra, tady jak pa vynikach usiaho 2005 h. jon byŭ roŭny 3,7 młrd. eŭra. «Rost nie pakidaje sumnievaŭ. Rasieja pobač z krainami Eŭraźviazu, na jakija vypadaje 50% źniešniaha handlu, źjaŭlajecca pastajannym partneram Litvy», - skazaŭ nadzvyčajny i paŭnamocny pasoł Litvy ŭ RF Rymantas Šydłaŭskas na adkryćci ŭ čaćvier u Nižnim Noŭharadzie ekanamičnaha forumu.

Litva ekspartuje pradukty charčavańnia i vyraby lohkaj pramysłovaści, pradukcyju chimičnaj pramysłovaści. Impartuje enerharesursy, pradukcyju mašynabudavańnia, chimičnaj i farmaceŭtyčnaj pramysłovaści, papieru.

Šydłaŭskas taksama paviedamiŭ, što pramyja rasiejskija investycyi na 1 studzienia 2006 h. skłali amal 1 młrd. eŭra. Z hetym pakazčykam Rasieja zajmaje piataje miesca siarod bujnych investaraŭ, jakija pracujuć u Litvie. Siarod najbujniejšych rasiejskich investaraŭ pasoł nazvaŭ kampanii «Hazprom», «ŁUKOjł» i «Miečieł». Pa słovach R.Šydłaŭskasa, tavaraabarot pamiž Rasiejaj i Litvoj u I paŭhodździ 2006 h. skłaŭ bolš za $4 młrd. U liku investaraŭ litoŭskaj ekanomiki, pa jaho słovach, Rasieja zajmaje 5 miesca - na litoŭskim rynku aktyŭna dziejničajuć takija rasiejskija kampanii, jak OAO «Hazprom», OAO «ŁUKOJŁ» i «Miečieł».

Tavaraabarot pamiž Rasiejaj i Polščaj za 6 miesiacaŭ vyras na 40,3% i skłaŭ 7,03 młrd. dalaraŭ, u tym liku rasiejski ekspart - 5588,8 młn. dalaraŭ /rost na 49,8%/, impart - 1441,2 młn. dalaraŭ /rost na 12,6%/. Tavaraabarot pamiž Rasiejaj i Polščaj za 9 miesiacaŭ skłaŭ 11367,4 młn. dalaraŭ, ekspart z Rasiei ŭ Polšču dasiahnuŭ 8623,4 młn. dalaraŭ, a impart RF z Polščy - 2744 młn. dalaraŭ.

Jak adznačajuć u Minekanomiki, rasiejski ekspart u Polšču zachoŭvaje syravinnuju nakiravanaść. Jaho asnovu składajuć tavary syravinnaj i paliŭna-enerhietyčnaj hrupaŭ - 92,2%, chimičnyja tavary – 3,1%, pradukcyja čornaj metalurhii – 3%.

Polskija pastaŭki ŭ Rasieju majuć bolš raŭnamiernuju strukturu. Viadučaje miesca ŭ polskim eksparcie zajmajuć chimičnyja tavary i farmaceŭtyka /27,2%/. Dalej iduć charčovaja i sielskahaspadarčaja pradukcyja – 22,6%. Dola pastavak polskich mašynaŭ i abstalavańnia ŭ Rasieju zaŭvažna nižejšaja, čym u cełym u polskim eksparcie.

Da kanca 2006 h. tavarabarot pamiž Rasiejaj i Aŭstryjaj dasiahnie 5 młrd. eŭra.

Tavaraabarot pamiž Rasiejaj i Čechijaj da kanca 2006 h. dasiahnie rekordnaj vieličyni ŭ $5 młrd.

Tavaraabarot pamiž Rasiejaj i Paŭdniovaj Karejaj u hetym hodzie dasiahnie $9 młrd., zajaviŭ Uładzimier Pucin padčas sustrečy z prezydentam Respubliki Kareja No Mu Chienam, paviedamlaje «RIA Novosti».

«Raście tavaraabarot, u hetym hodzie jon budzie kala 9 młrd.», - adznačyŭ Pucin, adkryvajučy sustreču ŭ Chanoe, dzie prezydenty dźviuch krainaŭ udzielničajuć u samicie ATES.

«Našyja handlova-ekanamičnyja suviazi dyversyfikujucca, u tym liku heta vysokija technalohii, plany pa supracoŭnictvu ŭ kaśmičnych technalohijach», - dadaŭ prezydent Rasiei.

Uładzimier Pucin padčas svajho vizytu ŭ Małajziju naŭrad ci pryśviecić asnoŭny čas palityčnym pytańniam. Hałoŭnaja meta pajezdki, pa słovach namieśnika kiraŭnika kramloŭskaj administracyi Siarhieja Prychodźka, «nadać dvuchbakovym adnosinam ustojlivuju dynamiku i zrabić ich svojho rodu madellu adnosinaŭ Rasiei z krainami Paŭdniova-Uschodniaj Azii». A «dynamikaj adnosinaŭ» z Małajzijaj - adnym z stratehičnych partnioraŭ Rasiei ŭ hetym rehijonie – varta daražyć. Tolki za try miesiacy hetaha hodu tavaraabarot pamiž krainami pavialičyŭsia na 43%. Pryčym Małajziju, u adroźnieńnie ad bolšaści rasiejskich źniešniehandlovych partnioraŭ, nia nadta cikaviać, na žal, užo tradycyjnyja dla rasiejskaha ekspartu pradukty - nafta, haz i h.d. Kuała-Łumpur maje namer raźvivać supracoŭnictva ŭ sfery vysokich technalohijaŭ i ŭ vajenna-techničnaj sfery. Jašče ŭ traŭni byŭ padpisany kantrakt na pastaŭku ŭ Małajziju rasiejskich samalotaŭ Su-30 MKM. Akramia taho, małajcy hatovyja kupić rasiejskija helikoptery.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?