Siońnia i zaŭtra u Kupałaŭskim teatry adbuducca pramjery śpiektakla pavodle pjes niaśvižskaj Sapfo — kniahini Franciški Uršuli Radzivił, zasnavalnicy prafiesijnaha teatra na Biełarusi.

Śpiektakl — rekanstrukcyja śviatočnaha viečara ŭ Niaśvižskim zamku, dzie haściej zabaŭlali tancami, śpievami, pakazvańniem kamiedyj.
Franciška Uršula Radzivił była viadoma najpierš jak stvaralnica niaśvižskaj rezidencyi Radziviłaŭ. Jana — aŭtarka liryčnych vieršaŭ na polskaj i francuzskaj movach. U jaje papierach znajšlisia cikavyja traktaty na hramadskija i maralnyja temy, jakija i na siońnia nie stracili svajoj aktualnaści. Zachavałasia ŭ archivach i davoli bahataja epistalarnaja spadčyna Franciški.

Śpiektakl-miuzikł «Teatr Uršuli Radzivił» pastaŭlen znakamitym našym majstram, hałoŭnym režysioram teatra Mikałajem Pinihinym. U im zaniatyja zasłužanyja artysty Respubliki Biełaruś Viktar Manajeŭ, Hieorhij Malaŭski, Alaksandr Padabied, Siarhiej Žuraviel i inš.

U nastupnym miesiacy śpiektakli buduć pakazanyja 19, 20 i 29 traŭnia. Pastanoŭki iduć na scenie Centralnaha doma aficeraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?