Muzyčny festyval Be2gether u hetym hodzie nie adbudziecca. Pryčyna — valutny kryzis u Biełarusi, a taksama prablema ź finansavańniem festu ź jeŭrapiejskaha boku. Arhanizatary abiacajuć pravieści piaty Be2gether u hodzie nastupnym.
«Minuły hod pakazaŭ, što fiestyvalu na litoŭskim rynku jašče ciažka vyžyć vyklučna za košt prodažu biletaŭ. Jon patrabuje značnych inviestycyj», — zajaviŭ litoŭskamu vydańniu 15min.lt biznesmien Hiedrus Klimkiavičus, jaki papiarednija čatyry hady zajmaŭsia arhanizacyjaj festu.
«My padali zajaŭki i ŭsio jašče čakajem adkazu ź jeŭrapiejskich fondaŭ. Viadziem pieramovy ab inviestycyjach z Ukrainaj, ale pakul nie znajšli rašeńnie, jakoje b zadavoliła abodva baki. Ale čas nie čakaje. Na pryniaćcie rašeńnia ab festyvali hetaha hodu paŭpłyvała i devalvacyja rubla ŭ Biełarusi» — skazaŭ Klimkiavičus.
Kala traciny naviedvalnikaŭ pryjazdžała na Be2gether ź Biełarusi.
Fiestyval Be2gether čatyry hady zapar prachodziŭ na miažy ź Biełaruśsiu la majontka viadomaha litoŭskaha biznesmiena Hiedrusa Klimkiavičusa. U minułym hodzie jaho ŭdzielnikami stali kala 8 tysiačaŭ čałaviek. U najbolš paśpiachovyja hady kolkaść hledačoŭ dasiahała 11 tysiačaŭ.
