29 krasavika na praśpiekcie Niezaležnaści adzin Citroen prataraniŭ druhoha.
Surjoznaje DTZ adbyłasia a 9-j ranicy na pierasiačeńni praśpiekta Niezaležnaści i vulicy Vałhahradskaj. Tam sutyknulisia try lehkavika. Momant sutyknieńnia zafiksavaŭ videarehistratar adnaho z aŭtamabilaŭ što znachodziŭsia ŭ toj momant na praśpiekcie. Ź videa bačna, što Citroen C4 Grand Picasso vyjazdžaŭ z Vałhahradskaj na praśpiekt na zialonaje śviatło. U hety ž momant z boku centra na čyrvonaje pasprabavaŭ praskočyć Citroen C4. U vyniku jon udaryŭ Grand Picasso ŭ pravaje zadniaje koła, ad čaho toj pieraviarnuŭsia. Pry hetym, pierakuleny aŭtamabil udaryŭsia ŭ Fiat Punto, jaki vyjazdžaŭ na praśpiekt z vulicy Makajonka.
Jak paviedamlaje partał Onliner.by sa spasyłkaj na supracoŭnikaŭ DAI, dapamoha spatrebiłasia pasažyrcy Citroen C4, kiroŭca jakoha spravakavaŭ avaryju.