Kolkaść achviar DTZ, jakoje adbyłosia 23 krasavika ŭ Małaryckim rajonie, dzie na miescy avaryi pamierli siem paciarpiełych, dasiahnuła vaśmi čałaviek.
U druhoj pałovie dnia 28 krasavika ŭ reanimacyjnym adździaleńni Bresckaj abłasnoj balnicy pamierła minčanka 1979 hoda naradžeńnia.
Jak paviedamiŭ BiełaPAN namieśnik hałoŭnaha ŭrača pa lačebnaj pracy hetaj balnicy Tadevuš Harasimčyk, 23 krasavika hetaj žančynie ŭ Małaryckaj centralnaj rajonnaj balnicy śpiecyjalistami abłasnoj balnicy była zroblena apieracyja. 25 krasavika jaje pieraviali ŭ Bresckuju abłasnuju balnicu.
«U pacyjentki byli traŭmy, nie sumiaščalnyja z žyćciom. Niahledziačy na miery, jakija prymalisia, vyratavać žančynu nie ŭdałosia», — zaznačyŭ Harasimčyk.
Pavodle jaho słoŭ, na siońnia ŭ Bresckaj abłasnoj balnicy znachodziacca
jašče siem paciarpiełych u hetym DTZ. Stan niekatorych ź ich miedyki aceńvajuć jak ciažki.
Jak raniej paviedamlałasia, DTZ adbyłosia 23 krasavika ŭ 13.20 na pierasiačeńni aŭtadaroh Kobryn — Małaryta i Brest — Makrany.
Kiroŭca mikraaŭtobusa
U vyniku avaryi na miescy zahinuli vadziciel «Falksvahiena» i piać ź dzieviaci pasažyraŭ, jakija jechali ź im, u tym liku troje dziaciej — chłopčyk 2006 hoda naradžeńnia, dziaŭčynka 2007 hoda naradžeńnia ź Minska, a taksama chłopčyk 2009 hoda naradžeńnia z Homielskaj vobłaści. Zahinuli taksama dvoje darosłych — mužčyna 1951 hoda naradžeńnia i žančyna 1952 hoda naradžeńnia, žychary Homielskaj vobłaści.
Z traŭmami roznaj stupieni ciažkaści byli špitalizavanyja čaćviora pasažyraŭ «Falksvahiena».
U «Ikarusie» jechali siem pasažyraŭ. Adna ź ich, žycharka Bresta 1947 hoda naradžeńnia, zahinuła na miescy avaryi. Vadziciel i troje pasažyraŭ špitalizavanyja z traŭmami.
Pa fakcie avaryi raspačata sprava na padstavie č. 3 art. 317 KK (parušeńnie praviłaŭ darožnaha ruchu ci ekspłuatacyi transpartnych srodkaŭ).