LidarPra heta jon zajaviŭ 29 krasavika ŭ Minsku naLibieralna-demakratyčnaj partyi Siarhiej Hajdukievič ličyć, što biełaruski ŭrad nieabchodna adpravić u adstaŭku, pravieści devalvacyju i ŭvieści rasijski rubiel.
Pa słovach Hajdukieviča, «treba skazać praŭdu: u krainie devalvacyja, siaredni i mały biźnies zhortvajecca». «Čamu nichto va ŭradzie nie skaža praŭdu? Treba zdymać ŭrad zaŭtra. Prezident nie pavinien hetaha bajacca», — zajaviŭ jon.
Lider ŁDP ličyć, što ŭ Biełarusi nieabchodna ŭvodzić rasijski rubiel. «My heta kazali jašče 10 hadoŭ tamu. Nas padtrymaje ŭsia kraina. U kryzis Jeŭropu vyratavała mienavita adzinaja valuta», — padkreśliŭ jon.
Na dumku Hajdukieviča, pra straty suvierenitetu ŭ vypadku ŭviadzieńnia rasijskaha rubla mohuć kazać tolki niepiśmiennyja ludzi. «Naadvarot, my jaho tolki ŭmacujem. Rasijski rubiel daść enierhanośbity pa ŭnutryrasiejskich cenach», — skazaŭ jon.
Palityk paviedamiŭ, što paśla źjezda płanujecca nakiravać zvarot prezidentu, dzie budzie vykazanaja pazicyja ŁDP pa rasijskim rubli.
«Chopić vieryć ŭ ekanamičnyja cudy. Usie cudy ŭ Rasii», — zajaviŭ Hajdukievič. Pavodle jaho słoŭ, Biełaruś — «jeŭrapiejskaja dziaržava, ale ŭ nas karani ŭ Rasii».
