Śviedka prynios u sud fotazdymki, jakija abviarhajuć kadry prapahandysckaha kino.
Na kadrach, zroblenych śviedkam Kučko paśla razhonu Płoščy, nie bačna ni rydlovak, ni butelek.
Na kadrach, zroblenych śviedkam Kučko paśla razhonu Płoščy, nie bačna ni rydlovak, ni butelek.
Na kadrach, zroblenych śviedkam Kučko paśla razhonu Płoščy, nie bačna ni rydlovak, ni butelek.
Na kadrach, zroblenych śviedkam Kučko paśla razhonu Płoščy, nie bačna ni rydlovak, ni butelek.
Kadr z prapahandysckaha filma "Płošča. Žalezam pa škłu".
Kadr z prapahandysckaha filma "Płošča. Žalezam pa škłu".
Śviedka Kučko zajaviŭ, što byŭ na akcyi 19 śniežnia — pryjšoŭ, kab pačuć vystupy kandydataŭ. Akcyja nasiła mirny charaktar. Pra akcyju jon daviedaŭsia z sustreč z apazycyjnymi kandydatami. Pajšoŭ adzin. Byŭ na Kastryčnickaj płoščy a 19-j hadzinie.
«Apazycyjnyja kandydaty pryjšli kala 20 hadzinaŭ. Mitynhoŭcam nie chapała miesca na Płoščy, mitynhoŭcam pieraškadžała muzyka, katok», — kaža śviedka.
Kali ludzi vyjšli na praspekt Niezaležnaści, im nichto nie pieraškadžaŭ. U časie šeścia panavała atmasfera natchnieńnia i entuzijazmu.
Kučko zajaviŭ, što jon zastavaŭsia na płoščy Niezaležnaści paśla razhonu demanstracyi. Na jaho, pažyłoha čałavieka, specnazaŭcy nie źviarnuli ŭvahi.
Jon zajaviŭ, što na Płoščy paśla razhonu nie było nijakich butelek, ledarubaŭ, kanistraŭ i ŭsiaho inšaha, što potym pakazała BT u filmie «Žalezam pa škłu». Śviedka nazvaŭ hety film falšyŭkaj i zajaviŭ, što ŭ toj viečar paśla razhonu zrabiŭ mabilnym telefonam 5 zdymkaŭ płoščy paśla razhonu, na jakich zafiksavanyja kalony milicyjantaŭ mašyna i nia bačna nijakich pradmietaŭ, jakija pakazała BT i pra jakija havorycca ŭ materyjałach spravy.
Kučko paprasiŭ dałučycć hetyja zdymki da spravy. Abvinavaŭca vystupiŭ suprać. Advakaty padtrymali Kučko.
Niekatoryja ŭ zale zaapładziravali ŭčynku śviedki.
Paśla advakaty i padsudnyja aznajomilisia sa zdymkami Płoščy, zroblenymi Piatrom Kučko.
Kučko skazaŭ , što hatovy addać fotaparat na ekspertyzu. Sudździa ździviŭsia, jak milicyjanty nie aryštvali śviedku ŭ noč na 20-je śniežnia.
Kučko patłumačyŭ «Svabodzie», što ŭ tuju noč jaho nie zatrymali, bo vidać pryniali za svajho. Jon moh svabodna nazirać placoŭku paśla razhonu, dzie nie było ŭzusim nijakich pradmietaŭ.
Paźniej u filmie «Žalezam pa škłu» pakazali, što na hetaj płoščy znachodzilisia nibyta roznyja rydloŭki, butelki, žaleznyja dručki, kanistry za zapalnaj sumieśsiu. Kučka heta aburyła i tamu jon vyrašyŭ heta abvierhnuć na sudzie.
Sudździa admoviła ŭ chadajnictvie dałučyć da spravy fotazdymki, bo na ich niama času.
Advakaty najstojvajuć na tym, što patrebnaja vyjemka fotaaparata dla vyvučeńnia, kali byli stvoranyja fajły.
