Eks-kandydat u prezidenty ad Abjadnanaj hramadzianskaj partyi (AHP) Jarasłaŭ Ramančuk paklaŭsia staršyni AHP Anatolu Labiedźku, što nie zaležyć ad śpiecsłužbaŭ.
Pra heta Labiedźka zajaviŭ na
«U mianie tolki ciapier adbyłasia sustreča, na jakoj ja zadaŭ hałoŭnaje pytańnie Ramančuku. Jano hučała prykładna tak: «Jarasłaŭ, my z taboj źjeli nie adzin pud soli, i dla mianie samym hałoŭnym pytańniem źjaŭlajecca: jakaja stupień tvajoj zaležnaści ad tych ludziej i tych struktur?» — skazaŭ Labiedźka.
«Jon mnie paklaŭsia i pabažyŭsia, što nijakaj zaležnaści ni pa padpisańni niejkich dakumientaŭ, ni ŭ vyhladzie niejkaha kampramatu ŭ jaho ci na jaho nie isnuje», — paviedamiŭ žurnalistam staršynia AHP.
Labiedźka skazaŭ, što
adkaz Ramančuka byŭ dla jaho vielmi važny i što jon choča aryjentavacca na lepšaje.
Lidar partyi paabiacaŭ usio žyćcio vajavać ź sistemaj, «jakaja prymušaje ludziej pakazvać svaje samyja słabyja jakaści». Pavodle jaho słoŭ, u Biełarusi isnuje mienavita takaja sistema. «Čałaviek sam pa sabie nie naradžajecca ź ćvikoŭ i nie naradžajecca niejkim Remba. U čałavieka jość svaje plusy i minusy», — adznačyŭ Labiedźka.
«Ja adčuvaju, što paśla ŭsich padziej Jarasłaŭ, viadoma, adčuvaje niekatory dyskamfort», — skazaŭ staršynia AHP. Razam z tym lidar partyi hatovy zrazumieć pavodziny palityka, jakomu kažuć: kali ty štości nie zrobiš niepasredna zaraz, to my ciabie prosta źniščym fizična.
«Ja viedaju, jak by sam siabie ŭ hetaj situacyi pavodziŭ, ale nie viedaju, jak pavodzili b siabie maje rodnyja i blizkija», — adznačyŭ Labiedźka.
Pavodle jaho słoŭ, Ramančuk uvojdzie ŭ hrupu AHP, jakaja pracuje nad prahramaj «pa vychadzie Biełarusi z ekanamičnaha kryzisu». «Pry raspracoŭcy ekanamičnaj prahramy my raźličvajem na patencyjał Ramančuka, jaki, na moj pohlad, byŭ, jość i budzie čałaviekam, što raźbirajecca ŭ ekanomicy, parady i viedy jakoha treba vykarystoŭvać», — zajaviŭ Labiedźka.
Ranicaj 20 śniežnia minułaha hoda, paśla prezidenckich vybaraŭ i žorstka razahnanaj akcyi pratestu ŭ Minsku, Ramančuk začytaŭ zajavu, u jakoj havaryłasia, što «padčas mitynhu Mikałaj Statkievič, Andrej Sańnikaŭ i Vital Rymašeŭski zaklikali i paviali ludziej na płošču Niezaležnaści. Tam imi ž byli spravakavany biesparadki i ažyćcioŭlena sproba zachopu budynka Doma ŭrada. Pad pahrozaj apynulisia žyćci tysiačy čałaviek». Ramančuk zajaviŭ, što asudžaje zakliki da dziejańniaŭ, jakija parušajuć mirny charaktar praviadzieńnia masavych akcyj. «Padziei nočy 19 śniežnia pastavili pad pahrozu žyćci ludziej. Andreju Sańnikavu, jakoha padahravała jaho žonka Iryna Chalip, vielmi chaciełasia sarvać kvoły dyjałoh, što zaradžaŭsia pamiž Biełaruśsiu i mižnarodnaj supolnaściu», — skazaŭ palityk. U toj ža dzień jamu była arhanizavana sustreča z Alaksandram Łukašenkam, na jakoj Ramančuk, pavodle jaho słoŭ, paprasiŭ vyzvalić Labiedźku. 6 krasavika jon byŭ adpuščany pad padpisku ab niavyjeździe.