U słavackim Košycy na čempijanacie śvietu pa chakiei pieršy matč praviała nacyjanalnaja zbornaja Biełarusi. Našy prajhrali rodapačynalnikam chakieju — kanadcam.
Pačatak hulni byŭ niaŭdałym. Užo na druhoj chvilinie Ebierle adkryŭ lik. Tym nie mienš, potym biełarusam atrymałasia zrabić hulniu roŭnaj. Na apošniaj chvilinie pieryjada niadaŭna naturalizavany rasijanin Ściapanaŭ adyhraŭ šajbu.
Na žal, na bolšaje biełarusaŭ nie chapiła. U dvuch astatnich pieryjadach jany prapuścili try šajby — 1:4.
U druhim matčy hrupy Šviejcaryja ŭ oviertajmie pieramahła Francyju — 1:0. Nastupny matč našy praviaduć sa Šviejcaryjaj u niadzielu (pačatak u 21:15).