U čaćvier 28 krasavika ŭ bresckim abłasnym hramadska-kulturnym centry adbyŭsia kancert znakamitaha biełaruskaha rok-muzyki Lavona Volskaha.

Akramia svajho apošniaha solnaha prajektu «Biełaja jabłynia hromu», jon prezientavaŭ bieraściejcam taksama novyja pieśni «hurtu z čornaha śpisu z hruvastkaj nazvaj na litaru K».

Pieršaja častka kancertu atrymałasia surjeznaj i sakramientalnaj. Vykanańnie piesień z «Biełaj jabłyni hromu» supravadžałasia videašeraham z vyjavami malunkaŭ Volskaha.

Padčas 20-chvilinnaha pierapynku prapanavałasia nabyć dysk, jaki paśla kancertu Lavon abiacaŭ usim žadajučym padpisać na pamiać. Adnak popyt na dyski pieraŭzyjšoŭ prapanovu: dyskaŭ chapiła nie ŭsim.

U druhoj častcy muzyki zhrali ekśpierymientalnuju prahramu ź piesień roznych narodaŭ Jeŭropy. Dahetul padborka była pradstaŭlena tolki ŭ Harodnie. Płanujecca, što novyja kampazicyi ŭvojduć u budučy albom «Krambambuli».

Apošnija dźvie pieśni — lehiendarnyja «Hości» i «Try čarapachi» — słuchačy śpiavali choram i stojačy.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?