Redakcyja «Našaj Nivy» atrymała list z Vyšejšaha haspadarčaha suda pa poźvie Ministerstva infarmacyi ab zakryćci haziety.«Narodnaja Vola» zdoleła nadrukavać adzin numar paśla taho, jak Mininfa padało ŭ sud na jaje. My ŭ «Našaj Nivie» pakul nie viedajem, ci vyjdzie čarhovy numar 4 maja.Padrychtoŭčaje pasiedžańnie pa spravie adbudziecca 11 maja, a
12-j hadzinie. Data pačatku asnoŭnaha suda jašče nieviadomaje.
«Naša Niva» i «Narodnaja Vola» — dva viadomyja niezaležnyja vydańni. U 2006–2008 hadach jany byli pazbaŭlenyja mahčymaści raspaŭsiudu praz «Biełpoštu» i «Biełsajuzdruk». U kancy
Mienš čym za try hady paśla viartańnia ŭ raspaŭsiud «Narodnaja Vola» pavialičyła tyraž ŭ 2,5 razu, a aŭdytoryju sajta — u jašče bolšaj praporcyi. Za toj ža čas nakład «Našaj Nivy» vyras u 3,3 razu, a aŭdytoryja sajta «Našaj Nivy» ŭ sakaviku 2011 skłała 70 tysiač realnych karystalnikaŭ (dadzienyja gemius.pl).
(U śniežni 2010 hoda, u miesiac vybaraŭ aŭdytoryja sajta NN.BY skłała navat 110 tysiač karystalnikaŭju)
Ministerstva infarmacyi choča likvidavać haziety na padstavie dadzienych im papiaredžańniaŭ. Redakcyi ličać ich nadumanymi i palityčna matyvavanymi.
U susiednich ź Biełaruśsiu jeŭrapiejskich krainach nie było anałahičnych vypadkaŭ likvidacyi centralnych ŚMI. Pradstaŭnica ABSIE pa pytańniach svabody ŚMI Dunia Mijatavič rezka asudziła praktyku vyniasieńnia vydańniam «papiaredžańniaŭ» i likvidacyi ich na hetaj asnovie. Miž tym u Biełarusi heta nie pieršy vypadak «zabojstva» niezaležnych miedyjaŭ.
U minułyja hady šlacham zakryćcia, prypynieńnia vychadu, zabrańnia chvalaŭ abo faktyčnaj zabarony druku i raspaŭsiudu łukašenkaŭcy spynili «Svabodu», «Naviny», «Pahoniu», «Biełorusskuju diełovuju hazietu», «Zhodu», «Kuŕjer iz Borisova», «Novuju hazietu Smorhoni», Radyjo 101.2, «Biržu informacii» dy mnostva inšych minskich i rehijanalnych ŚMI. Paśla vybaraŭ 2010 hoda było likvidavanaje «Aŭtaradyjo».Łukašenkaŭcy znachodzili ŭ kožnym vypadku svaju vinu. Dziasiatki niezaležnych žurnalistaŭ u Biełarusi prajšli praz turmy, niekalki čałaviek źnikła ci zahinuła pry niavyśvietlenych abstavinach.
