Nie Lipkovič, nie Mališeŭski i nie Maryjka, a redaktar «Biełaruskaj dumki», orhana Administracyi prezidenta.
Svoj błoh Vadzim Hihin viadzie nie na łajvdžornale i nie na błohspocie, a na sajcie Biełaruskaha telehrafnaha ahienctva. Jahonyja telehrafmy paśla družna pieradrukoŭvajuć rajonnyja haziety.
Navat statuetku jamu za heta dali 5 maja jak pieramožcu VII Nacyjanalnaha konkursu drukavanych ŚMI «Załataja Litara» ŭ naminacyi «Najlepšy aŭtarski błoh».
Pra što piša Vadzim Francavič u svaim błohu? Voś zahałoŭki: «Ci patrebnaja Biełarusi apazicyja?», «Opp-position», «Kapitulacyja na starcie». Užo pa vybarach, paśla padziaŭ 19 śniežnia, Vadzim Francavič paśpiašaŭsia źvinavacić aryštavanych kandydataŭ u prezidenty ŭ «sprobie dziaržaŭnaha pieravarotu», choć, jak viadoma, paźniej śledstva tak i nie vystaviła nikomu z aryštavanych padobnych abvinavačvańniaŭ. Apublikavaŭ, tak by mović, niedastaviernuju infarmacyju. Ale za što inšym sankcyi, za toje Hihinu — premija.
Varta adznačyć, što dziejnaść Hihina na vysokim uzroŭni była adznačana značna raniej za ŭručeńnie premii za najlepšy błoh. U lutym 2011 hoda jon patrapiŭ u śpis nieŭjaznych u krainy ES. Adkazam na heta staŭ zvyšemacyjny dopis pad charakternym zahałoŭkam «Zdravstvuj, …opa, Novyj hod!»
Nie pakinuŭ pa-za ŭvahaj Vadzim Hihin i Dzień Voli, padkreślena ŭziaŭšy słova «śviata» ŭ dźviuchkośsie.
Da plusaŭ błohu Hihina treba adnieści jahonuju adkrytaść. Tut prymajucca nie tolki chvalebnyja kamientary, ale i krytyčnyja. I Vadzim Francavič nie lanujecca adkazvać na ich. U vyniku časam zaviazvajecca cikavaja dyskusija.
