Deputaty Pałaty pradstaŭnikoŭ na pasiadžeńni 12 maja pryniali ŭ pieršym čytańni papraŭki ŭ Kodeks ab administracyjnych pravaparušeńniach.
Zakonaprajekt raspracavany ŭ metach vykanańnia ŭkaza prezidenta ad 1 lutaha 2010 hoda «Ab mierach pa ŭdaskanalvańni vykarystańnia nacyjanalnaha siehmienta sietki internet».
Jak paviedamiŭ ministr suviazi i infarmatyzacyi Mikałaj Pancialej, analiz zakanadaŭstva «paćvierdziŭ nieabchodnaść ustanaŭleńnia administracyjnaj adkaznaści za parušeńnie asobnych pradpisańniaŭ ukaza i niemetazhodnaść ustanaŭleńnia kryminalnaj adkaznaści za takija parušeńni».
U pryvatnaści, ustanaŭlivajecca administracyjnaja adkaznaść u vyhladzie štrafu dla jurydyčnych asob i indyvidualnych pradprymalnikaŭ za ažyćciaŭleńnie imi dziejnaści pa realizacyi tavaraŭ, vykanańni rabot, akazańni pasłuh na terytoryi Biełarusi z vykarystańniem infarmacyjnych sietak, sistem i resursaŭ, jakija majuć padklučeńnie da sietki internet i nie raźmieščany na terytoryi Biełarusi i (ci) nie zarehistravany ŭ vyznačanym paradku; za parušeńnie patrabavańniaŭ zakanadaŭstva pa ažyćciaŭleńni identyfikacyi abanienckich pryład i (ci) karystalnikaŭ pry akazańni
Štraf za takija pravaparušeńni budzie składać ad 10 da 30 bazavych vieličyń.
