Ministerstva zamiežnych spraŭ Biełarusi ličyć, što padychody Jeŭrapiejskaha parłamienta nieprymalnyja i supiarečać pryncypam dobrasusiedstva. Ab hetym zajaviŭpres-sakratar MZS Andrej Savinych, kamientujučy rezalucyju Jeŭraparłamienta.
Nahadajem, 12 maja Jeŭraparłamient na siesii ŭ Strasburhu zaklikaŭ Jeŭrakamisiju, Saviet ES i krainy — partniory Jeŭrasajuza «pašyryć abmiežavalnyja miery ŭ dačynieńni da biełaruskaha režymu, u tym liku ŭvieści kropkavyja ekanamičnyja sankcyi ŭ dačynieńni pradpryjemstvaŭ, jakija naležać dziaržavie».
«Jeŭraparłamient uznaŭlaje i naviazvaje ŭsim dalokija ad realnaści, skažonyja traktoŭki padziej, jakija adbyvajucca ŭ Biełarusi, — zajaviŭ Savinych. — Našy namahańni, skiravanyja na zvarot da kanstruktyŭnaha dyjałohu, natykajucca na ultymatumy i pahrozy, jakija vydajucca za pryncypovuju pazicyju. Pry hetym Jeŭrapiejski parłamient vystupaje za miery palityčnaha i ekanamičnaha cisku na Biełaruś, jakija nakiravany na naniasieńnie pramoha ŭronu našaj krainie ŭ parušeńnie ŭsich normaŭ mižnarodnaha prava».
Aŭtary rezalucyi sprabujuć skarystacca nastupstvami hłabalnaha finansavaha kryzisu dla destabilizacyi ekanamičnaj abstanoŭki ŭ Biełarusi, adznačyŭ Savinych.
«Pa sutnaści, jany zaklikajuć da mier, nakiravanych na padryŭ stabilnaści biełaruskaha hramadstva i dabrabytu ludziej. U vypadku pryniaćcia hetych mier biełaruski bok budzie vymušana raspačać kroki ŭ adkaz», — zajaviŭ Savinych.Pavodle jaho słoŭ, adkaznyja kroki buduć «ujaŭlać saboj adekvatnyja miery ŭ adkaz, nakiravanyja pieravažna na piersanalii i struktury, jakija źjaŭlajucca aktyŭnymi hienieratarami antybiełaruskich dziejańniaŭ».
«Razam z tym my budziem praciahvać namahańni, nakiravanyja na zvarot da kanstruktyŭnaha ŭzajemadziejańnia. My pierakananyja, što fiłasofija cisku i kanfrantacyi, jakuju demanstruje Jeŭrapiejski parłamient, nie maje šancaŭ na isnavańnie ŭ doŭhaterminovaj pierśpiektyvie», — adznačyŭ jon.
