Kamitet pa narmalizacyi Fiederacyi futboła Bośnii i Hiercahaviny siońnia pravioŭ sustreču z pradstaŭnikami UEFA i FIFA u Ciurychu.
Kamitet pad staršynstvam Ivicy Osima byŭ pryniaty ŭ Ciurychu prezidentam FIFA Jozefam Błateram i kiraŭnikom UEFA Mišelem Płacini, jaki pachvaliŭ kamitet za prykładzienyja vysiłki i zapeŭniŭ u padtrymcy z boku dvuch futbolnych arhanizacyja.
Na hetaj sustrečy taksama było adznačana, što da 26 maja, kali projdzie pasiadžeńnie hienieralnaj asamblei FIFA, budzie padrychtavany novy statut Fiederacyi futboła Bośnii i Hiercahaviny, paviedamlaje aficyjny sajt UEFA. ***
Nahadajem, što 1 krasavika — i to byŭ nie pieršakrasavicki žart — futbolnaja fiederacyja Bośnii i Hiercahaviny była vyklučana z UEFA i FIFA za niepadparadkavańnie mižnarodnym pryncypam kiravańnia nacyjanalnymi fiederacyjami. Sprava ŭ tym, što baśnijskaj fiederacyjaj kiravali adrazu try čałavieki (baśniak, charvat i sierb), a musić tolki adzin.
Mižnarodnyja futbolnyja arhanizacyi stavili pierad Bośnijaj i Hiercahavinaj krajni termin da 31 sakavika. Ale bałkancy admovilisia vykonvać ich. Jak vynik — paśledavała vyklučeńnie sa składu i FIFA, i UEFA.
Heta aznačała, što zbornaja Bośnii była b źniata z adboračnaj hrupy da čempijanatu Jeŭropy 2012, dzie bałkanskaja zbornaja hulaje poruč sa zbornaj Biełarusi i ličycca asnoŭnym kankurentam našych za druhoje miesca ŭ hrupie. Matčy z baśnijcami ŭ biełarusaŭ zapłanavanyja na 2 i 6 vieraśnia.
