Ściah źjaviŭsia pozna ŭviečary 18-ha śniežnia na dachu žyłoha domu pa vulicy Savieckaj, što staić jakraz nasuprać abłasnoj upravy KDB. U jakich 20-ci metrach ad hetaha miesca znachodzicca i rajadździeł milicyi Kastryčnickaha rajonu. Tym nia mienš, supracoŭniki abiedźviuch ustanoŭ zaŭvažyli ściah daloka nie adrazu: kala hadziny jon łunaŭ na vačoch u minakoŭ.

Pavodle viciebskaha apazycyjanera Barysa Chamajdy, vierahodniej za ŭsio Miron ździejśniŭ svaju akcyju admysłova napiaredadni 20-ha śniežnia: u hety dzień u 1917-m hodzie była stvorana Usierasijskaja Nadzvyčajnaja Kamisija na čale z Feliksam Dziaržynskim. U Viciebsku miascovaje adździaleńnie ČK miaściłasia ŭ tym samym budynku, dzie siońnia znachodzicca ŭprava KDB, i z voknaŭ hetaha budynku bieł-čyrvona-bieły ściah było vidać najlepš.

Darečy, heta była ŭžo druhaja za apošnija dvoje sutak prajava dziejnaści niaŭłoŭnaha Mirona. Zaŭčora bieł-čyrvona-bieły ściah nienadoŭha byŭ źjaviŭsia ŭ samym centry horada, niedaloka ad teatry «Lalka». Spadar Chamajda śćviardžaje, što z krynicy, vartaj davieru, jamu viadomy źmiest cydułki, prymacavanaj da hetaha ściahu: «Nia treba nikoha i ničoha bajacca! Usio adno pieramoža Biełaruś! Viciebski teatar «Lalka» zastaniecca biełaruskim, a miesca RNIE – na śmietniku historyi». Takim čynam, na dumku apazycyjanera, Miron vyrašyŭ padtrymać zahadčycu litaraturnaha adździełu teatru Viktoryju Daškievič, jakaja nia tak daŭno atrymała list ad imia «Russkoho Nacionalnoho Jedinstva» z patrabavańniem pierakłaści usie lalečnyja spektakli na rasiejskuju movu».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?