Saviet ministraŭ 3 červienia 2011 hoda pryniaŭ pastanovu № 704 «Ab niekatorych pytańniach pieraacenki majomaści i abaviazacielstvaŭ u zamiežnaj valucie», paviedamiła pres-słužba ŭrada.

U metach udakładnieńnia paradku adlustravańnia ŭ buchhałtarskim uliku raschodaŭ, što ŭźnikajuć u subjektaŭ haspadarańnia ŭ suviazi z kuplaj zamiežnaj valuty dla praviadzieńnia raźlikaŭ, a taksama kursavych roźnic, źviazanych ź pieraacenkaj abaviazacielstvaŭ u zamiežnaj valucie, pastanovaj № 704 praduhledžvajecca mahčymaść dla kamiercyjnych arhanizacyj adnosić raschody, źviazanyja z kuplaj zamiežnaj valuty, na košt syraviny, materyjałaŭ i inšych tavaraŭ, jakija nabyvajucca ź jaje vykarystańniem, što dazvolić adlustroŭvać u buchhałtarskim uliku ich košt pa realnaj canie nabyćcia i farmiravać na hetaj asnovie realnyja finansavyja vyniki.

Hetaja norma nosić udakładnialny charaktar, pakolki ŭ adpaviednaści ź dziejnym paradkam adlustravańnia ŭ buchhałtarskim uliku nazvanych raschodaŭ jany taksama adnosiacca na sabiekošt pradukcyi i zatraty, jakija ŭličvajucca pry padatkaabkładańni. Adnak heta ažyćciaŭlajecca adnamomantna, što moža pryvieści da stratnaści arhanizacyj i źnižeńnia pastupleńniaŭ u biudžet.

Pry hetym, pakolki nazvanaja norma nakiravanaja na ŭrehulavańnie paradku adlustravańnia ŭ buchhałtarskim uliku nazvanych raschodaŭ va ŭmovach množnaści kursu biełaruskaha rubla da zamiežnych valut, jaje dziejańnie raspaŭsiudžana na pieryjad z 1 krasavika 2011 hoda, što nakiravana na palapšeńnie pravavoha stanovišča subjektaŭ haspadarańnia.

Akramia taho, z metami niedapuščeńnia stratnaści kamiercyjnych arhanizacyj, jakija majuć kredytorskuju zapazyčanaść, vyražanuju ŭ zamiežnaj valucie, pastanovaj № 704 dazvolena adnosić roźnicy, što ŭźnikajuć pry pieraacency majomaści i abaviazacielstvaŭ u zamiežnaj valucie pry źmianieńni aficyjnaha kursu biełaruskaha rubla, na raschody budučych pieryjadaŭ z nastupnym śpisańniem na pazarealizacyjnyja raschody.

Adnosna debitorskaj zapazyčanaści kamiercyjnym arhanizacyjam dadziena prava adnosić roźnicy, što ŭźnikajuć ad pieraacenki debitorskaj zapazyčanaści, vyražanaj u zamiežnaj valucie, na dachody budučych pieryjadaŭ z nastupnym ich śpisańniem na pazarealizacyjnyja dachody.

Pry hetym prava na ŭstanaŭleńnie paradku i terminaŭ adniasieńnia roźnicy, što ŭźnikaje pry pieraacency majomaści i abaviazacielstvaŭ u zamiežnaj valucie, na raschody (dachody) budučych pieryjadaŭ u metach niedapuščeńnia stratnaści arhanizacyj dajecca niepasredna ich kiraŭnikam zychodziačy z realnaha finansavaha stanovišča kožnaj arhanizacyi. Pry hetym ustanaŭlivajecca hraničny termin ich adniasieńnia na finansavyja vyniki nie paźniej čym 31 śniežnia 2014 hoda.

Taki padychod dazvolić vyklučyć zališni adnamomantny padatkovy nacisk na arhanizacyi i pry hetym nie pryviadzie da pamianšeńnia padatkovych abaviazacielstvaŭ pierad biudžetam, ličać va ŭradzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?